احتجاج امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
دوروب مقابل لشکرده شهریار حجاز
فصاحتیله بیاناتین ایلدی آغاز
.
من حسینم آل بوسفیانه بیعت ائتمرم
عزت آل عبایم میل ذلت ائتمرم
.
.
ئوز دیلیندن بیر غذا وئرموش منه خیرالأنام
نخلۀ دلده اونون محصولیدور ناموس نام
من او اصل اوستونده بو گون ائتموشم خونین قیام
ذرّه جه ئوز خدمتیمده نقص همت ائتمرم
.
.
تا نفس وار جسمیدن عزّت لباسین سویمارام
داغدیده سینه می ذلت اوخیله اویمارام
گیتسه باشیمده بدندن بیعته قول قویمارام
ئولماقیله بیعت آلّام لیک بیعت ائتمرم
.
.
قالموشام حسرت اگرچه اوغلوما قارداشیمه
لیک سانّام سهل هرگز خم یتیشمز قاشیمه
نوشدور دین اوسته گلسه هر مصیبت باشیمه
عین منظور یمدی من اصلاً شکایت ائتمرم
.
.
آتش عشقیم ز بس دولموش گویول کانونینه
عشقمین وئرّم بیان هر نکتۀ مکنونینه
قویمارام بدعت قویولسون جدّیمین قانونینه
ئولماقیمدان قوخمارام بیر ذره وحشت ائتمرم
.
.
ای جماعت من مسلمانم مسلمان اوغلیام
اهل قرآنم ئوزوم معنای قرآن اوغلیام
حجّت اللهم یر اوزره شیر یزدان اوغلیام
جوهر ذاتیمدی دینیمدن برائت ائتمرم
.
.
ای جماعت دانمیون قرآنی گمراه اولمیون
زادۀ سفیانه خاطرخواه و دلخواه اولمیون
دوتمیون دنیانی بیله طالب جاه اولمیون
جز رضای حق سیزه بالله نصیحت ائتمرم
.
.
ای جماعت ائتمیون جرأت یدالله اوغلونا
سیز رعیت زاده سیز ال آچمیون شاه اوغلونا
اولمیون تابع یزید شوم و گمراه اوغلونا
من سیزی ناحق یولا هرگز هدایت ائتمرم
.
.
قلبوزون آئینه سین از بس دوتوب کفریله زنگ
سولدوروبسوز باغ دینی فرقۀ بی نام و ننگ
بیر گُلم قانیله وئرّم باغ دینه آب و رنگ
آخماسا قانیم سو تک کسب طراوت ائتمرم
.
.
کفر کانونی اولوب اندازه سیز آتش فشان
جسمدن سو تک آخان قانیم اولار آتش نشان
باخمارام هر سمتدن دشمن ایدر تیره نشان
سُؤنمه سه بو اود خیال آل و عترت ائتمرم
.
.
من گلستان شریعتده صفالی بیر گلم
باغبان تعریفی قیلّام خوش ترانه بلبلم (1)
نه روا ظالم یزیدی نفسیمه أُولى بولم
من اُولُوالاَمرم او نادانه اطاعت ائتمرم
.
.
من گل باغ بهشت جاودانم سولمارام
دولسا خاریله وجودیم درده دلدن دولمارام
عارضیم دوشمز صفادن تابع خار اولمارام
حاکم گل خار اولا هرگز رضایت ائتمرم
.
.
خلق ایدن خلاق مشمول نُعوت ائتموش منی
هم جمال اللّهه مرآت ثبوت ائتوش منی
تا قیام حشر حیّ لا یموت ائتموش منی (2)
ئولمرم ئولسمده گر درک هلاکت ائتمرم
.
.
بو دلیلیم بسدی دعوىّ شرف اثباتیمه
جدیم احمددور تاپوب اونلان رسالت خاتمه
نور عین مرتضایم هم آنامدور فاطمه
یوخسا من بیهوده دعویّ شرافت ائتمرم
.
.
من بو گون عباس و قاسم تک جواندان گچمیشم
اکبریمدن ، اصغر غنچه دهاندان گچمیشم
دین و قرآن اوسته بو باشیله جاندان گچمیشم
خدمت اسلامده بیر ذرّه غفلت ائتمرم
.
.
من حسینم ای وفاسیزلر وفا قربانیم
فخر اولاد خلیلم کربلا قربانیم
بو منای عشقده دین خدا قربانیم
تشنه قربان اولماسام درک سعادت ائتمرم
.
.
قدرت اللهم جهاندا ای گروه اشقیا
ایسته سم کون و مکانی ایلرم یکسر فنا
تازه دن عالمده قیلام آیرى بیر عالم بنا
وار بو قدرت منده لیک اظهار قدرت ائتمرم
.
.
قتلوزه ائتسم اراده فرقۀ بیدادگر
باشوز اوسته انمه میش بو قان توکن تیغ دو سر
خاک پای ذوالجناحه باشلاروز سجده ایدر
سرّی وار دور من بیله بیر امره بیعت ائتمرم
.
.
صبریمی آلدن ز بس شوق لقای یار آلوب
سیر ایدوب جاندان گوزومدن ماسواللهی سالوب
باخمارام من نازپرور قزلاریم باشسیز قالوب
عشقه تسلیمم خیال آل و عترت ائتمرم
.
.
من نه پابندم بو عالمده ریاست قیدینه
نه جلال و جاه دنیا نه کیاست قیدینه
قالموشام احکام قرآن و شریعت قیدینه
باش مجازه اگمَرَم ترک حقیقت أئتمرم
.
.
.
من شهنشاه حجازم ای گروه سُفله باز
وئرماقا باش ایلمز هرگز حجاری شاه ناز
وار نه باشدا نینوا فکریم نه سودای حجاز
من بجز شور حهینی ئوزگه صحبت أئتمرم
.
.
شوق وصل یاریله من أئتمرم فکر فراق
سانمارام آغلار قالار هشتاده دین عورت اوشاق
واحسینیله دولار دشت همایون عراق
بو شکسته دلدن اظهار شکایت ائتمرم
.
.
« تائبم » آل عبایه خادمم صدقاً ئوزوم
ورد و ذکریم واحسیندور دائما آغلار گوزوم
شور گوز یاشیم آخور گوزدن اولور شیرین سوزوم
یوخسا بیله دل یاران ذکر مصیبت ائتمرم
.
.
افتخاریم وار ایدوب عشقیم حسین دیوانه سی
اولموشام دائم اونا شمع عزا پروانه سی
آغلاماق نعمتدی واردور چوخ بیوک شکرانه سی
حمد اولا اللهیمه کفران نعمت ائتمرم
.
.
ا- یعنی اشهد ان لا اله الا الله و ان جدّی رسول الله
2 – آیه : لأتحسبن الذین قتلوا فی سبیل الله امواتا بل أحیاء عند ربهم رزقون
.
.
#حسینیه_مدح #حسینیه_شجاعت
#دوروب_مقابل_لشکرده_شهریار_حجاز
#من_حسینم_آل_بوسفیانه_بیعت_ائتمرم
#ترکی
.
✍️ #زبدةالاشعار ✍️
.
🆔: @nohe_torki
نظر دهید