دورگیلن ای وفالی قارداش #اربعین_منتظری

اربعین
..
..
..
..
#سبک_اصغریم_ای_شیرین_زبانیم
..
..
..
..
منتظری شریف آباد
..
..
..
..
دورگیلن ای وفالی قارداش
زائرم گوزلریمده قانیاش
هجرتیم شامده قوتاردی
گلموشم قبرون اوسته بیر باش
زینبون دیده خونفشان گلدی حسین
قبریوه خسته کاروان گلدی حسین
..
..
..
..
محنته آشنادی زینب
راوی کربلادی زینب
گورگیلن قامتیم بوکولموش
زار و بی اقربادی زینب
عشقه باخ بیقرار ایدوبدور باجیوی
نهضته جان نثار ایدوبدور باجیوی
..
..
..
..
تابیمی رنج و غصّه آلدی
فرقتون باشه قاره سالدی
قبریدن ایله بیر نظاره
زینبون گور نجه قوجالدی
باخمادی دیده دن آخان گوز یاشیما
دشمنون تازیانه ووردی باشیما
..
..
..
..
پُر اَسَف ماجرادی قارداش
عترتون مبتلادی قارداش
قمچیدن قولّاری باجیوون
گونلری تک قَرادی قارداش
ایستدی قیزلرین وورا فرقۀ شر
قولاّریم تازیانیه اولدی سپر
..
..
..
..
چوخ حقیرانه اهلبیتون
گَتدیلر جانه اهلبیتون
خفّتیله زیادون اوغلی
سالدی زندانه اهلبیتون
کوفه ده رخصت اولمادی آغلاماقا
یاس دوتوب باشیمه قرا باغلاماقا
..
..
..
..
شامیده مَسکنیم خرابه
غمکده آلِ بوترابه
اوچ یاشوندا بالان رقیّه
دوزمدی غربته عذابه
صرصرِ ظلمه غنچه تک سولدی بالان
آغلادی بسکه غصّه مرگ اولدی بالان
..
..
..
..
عاقبت قلبیمون قراری
شامده قالدی یادگاری
غم اسیری آنام شبیهی
اولدی ویرانه ده مزاری
تاپمادوم بیر کفن عزیز دختریمه
چولقادوم نعشینی پارا معجریمه
..
..
..
..
گورنجه مشگل اولدی دوران
شیعۀ شومِ آل سفیان
بیزلره خارجی د یردی
بیلمدی عترتون مسلمان
آغلادوق بیز ترانه شام اهلی چالوب
نغمۀ شادیانه شام اهلی چالوب
..
..
..
..
شوقیله شهری زینت ایتدی
آشکارا اهانت ایتدی
داش آتوب ناسزا دیردی
باشیوه چوخ جسارت ایتدی
وردولار خیزران سوسوز لبلریوه
صدمه یتدی دوداقیوا دیشلریوه
..
..
..
..
عترت خوار و رنج دیده
صبر ایدوب ظلم بی عدیده
دوردی بیر مرد نامسلمان
پیشنهاد ایلدی یزیده
بیحیا ایستدی کنیز فاطمه نی
دائماً زار و اشکریز فاطمه نی
..
..
..
..
«منتظر» یاز زبانحالی
یاندورار زینبون مقالی
قورخما گر اولسا اشتباهون
عفو ایدر فاطمه غزالی
وا اَسَف عمریوه گیچن گونلریوه
آغلا یاز زینبون آدین دفتریوه
..
..
..
..
#اربعین #منتظری #ترکی #زبدةالاشعار