میلادیه حضرت زهرا (س)
.
✍️ #زبدةالاشعار ✍️
🆔: @nohe_torki
.
#سبک_شه_زمین_و_آسماندی_حیدر
مشابه
.
حاج روح اله رمضانی
.
دیور بشارت عالمه منادی
بپا اولوبدی بزم شوروشادی
آنادان اولدی دختر پیمبر
ای اهل عالم موسم صفادی
.
صفای عالم گلدی عالمه
عزیز خاتم گلدی عالمه
.
بتول اطهر، جهانه زیور، شفیع محشر، یازهرا
خدایه مظهر، رسوله دختر، حسینه مادر،یازهرا
.
زهرا ،خلقته هدفدی
زهرا ،عالمه شرفدی
جان سرور نجفدی
.
علینون عشقی گلدی عالمه
جهانی گلشن ائتدی فاطمه (2)
.
.
.
.
گنه بزندی سربه سر فلکلر
دولوب سرورو شوریله اورکلر
آچوب جهانه گوز حیالی زهرا
باشینا گویدن گل سپور ملکلر
.
بو مصطفانون یادگاریدی
بو مرتضانون افتخاریدی
.
شرفده تکدی، گل فدکدی، آدی بزکدی، دنیایه
مه فلکدی، نه بانمکدی، آدی بزکدی دنیایه
.
زهرا، مفخر جهاندی
زهرا ،سرور زناندی
زهرا ،بانوی جناندی
ئوپر فرشته خاک مقدمین
.
علینون عشقی گلدی عالمه
جهانی گلشن ائتدی فاطمه (2)
.
.
.
.
سوووندی قلب حضرت پیمبر
خدایه هردم شکر ائدور او سرور
گولور دوداقی بسکه شادماندی
خدا وئروبدی چون او شاهه کوثر
.
دیور خدایا حمد اولا سنه
وئریبسن هم قیز آنا منه
.
گوزوم ضیاسی، دیزیم قواسی، الیم عصاسی ، زهرادی
اورک صفاسی، شرف هماسی، الیم عصاسی، زهرادی
.
زهرا، یارو یاوریمدی
کنز ،عشقه گوهریمدی
آدی دلده ازبریمدی
الین ئوپرم افتخاریلن
.
علینون عشقی گلدی عالمه
جهانی گلشن ائتدی فاطمه (2)
.
.
.
.
بوقیز جلالت محورینده آیدی
بونا شرفده کیم جهاندا تایدی
قسم خدایه گلمیوب مثالی
منه خدادن بلکه ویژه پایدی
.
منیم عفیفه دختریمدی بو
فقط نه دختر مادریدی بو
.
منیم قراریم ،معین و یاریم ، گل بهاریم، زهرادی
اوزی وقاریم، آدی شعاریم ، گوزل نگاریم، زهرادی
.
زهرا، معدن حیادی
زهرا، مظهر وفادی
زهرا، خیرة النسادی
منیم مدال عزتیمدی بو
.
علینون عشقی گلدی عالمه
جهانی گلشن ائتدی فاطمه (2)
.
.
#فاطمیه_رمضانی_خاکی
#فاطمیه_میلادیه
#دیور_بشارت_عالمه_منادی
#ترکی
.
✍️ #زبدةالاشعار ✍️
🆔: @nohe_torki
نظر دهید