زبانحال امام به خواهر در شهادت حضرت ابوالفضل (ع)
.
#زبدةالاشعار
.
: @nohe_torki
.
مرحوم غمناک تبریزی
.
دور اسیر اولماقا محکم بئلوی باغلا باجی
گل بئلیم سندی ابوالفضلیم ئولوب آغلا باجی
.
.
وئراجازه باجی جان ایمدی بو آغلار گوزیوه
وار یری گوزدن آخا سو یرینه قان یوزیوه
ای آنام نائبه سی دورما علاج ائت اوزیوه
گل بئلیم سندی ابوالفضلیم ئولوب آغلا باجی
.
.
قارداشون برج شهادتده گئدوب ایتدی مقام
آی کیمی باتدی ایشیق گوندوزی ائتدی بیزه شام
استراحت سیزه بوندان صورا بول اولدی حرام
گل بئلیم سندی ابوالفضلیم ئولوب آغلا باجی
.
.
دوتولوب گون یوزی باخ ماه بنی هاشم ئولوب
کسیلوب صبر و قراریم باجی یولداشیم ئولوب
منده جان قالمادی گل جان کیمی قارداشیم ئولوب
گل بئلیم سندی ابوالفضلیم ئولوب آغلا باجی
.
.
گیتدیم امدادینه گوردوم دوتولوب صاق و صولی
چکدیم ال، ال الینه یتمدی دوشمیشدی قولی
الی بوش گلمیشم ایمدی کسیلوب چاره یولی
گل بئلیم سندی ابوالفضلیم ئولوب آغلا باجی
.
.
من گئدینجه یانینا گوردوم اونی یاره چاتوب
گلمدی من گتوروردوم یری چوخ خوشدی یاتوب
اللریم باشدان ایاقه نجه گور قانه باتوب
گل بئلیم سندی ابوالفضلیم ئولوب آغلا باجی
.
.
چوخیدی یاره سی یاندیم او شه غم اثره
قول گیدوبدور بدن اوخشاردی سنان بال و پره
نعشینی اولمادی ممکن گتورم خیمه لره
گل بئلیم سندی ابوالفضلیم ئولوب آغلا باجی
.
.
چوخ چتندور بو کمک سیزلره یولداش ئولومی
اریوب قانه دونر گورسه اگر داش ئولومی
باجی قارداش بِئلینی سندیری قارداش ئولومی
گل بئلیم سندی ابوالفضلیم ئولوب آغلا باجی
.
.
چون بیوک غمدور اوزین من دیمسم بولدوره جاق
سو کیمی سیل ستم خیمه لری دولدوراجاق
بولورم بولسه سکینه اؤزینی ئولدوراجاق
گل بئلیم سندی ابوالفضلیم ئولوب آغلا باجی
.
.
وئرخبر بو سوسوز اطفالیمه سو ایستمسون
گورموسوز سو یرینه قان آخوری سو دئمسون
قارداشیم ئولدی دوروب سو یولینی گوزلمسون
گل بئلیم سندی ابوالفضلیم ئولوب آغلا باجی
.
.
دیمه «غمناک» ابوالفضل حسینون اؤزیدور
آدی سقادور حسین جانینون آغلار گؤزیدور
بو منیم طرز مقالیم دگی بو اوز سؤزیدور
گل بئلیم سندی ابوالفضلیم ئولوب آغلا باجی
.
.
#عباسیه_غمناک_تبریزی
#عباسیه_شهادت
#دور_اسیر_اولماقا_محکم_بئلوی_باغلا_باجی
#ترکی
.
#زبدةالاشعار
.
: @nohe_torki
نظر دهید