کوچ اهل بیت از کربلا
.
.
.
مرحوم عاصی تبریزی
.
.
دور ای عریان قالان نعشی شهید کربلا قارداش
وئروب یوز زینبه سن سیز بو چولده هر بلا قارداش
.
.
اسارت آتشی اولدی بو چولده شعله ور یاندیم
یارالی نعشوی گوردوم اورکدن من یارالاندیم
اؤزوم آیریلمادیم سندن جفائیله آرالاندیم
گورورسن خولی و شمرین جفاسین برملا قارداش
.
.
حسین سندن صورا بیر آن گوزوم قانیاشدان آیریلماز
غم و درد و مصیبت بو بلالی باشدان آیریلماز
بولورسن اوز رضاسیله باجی قارداشدان آیریلماز
ائدر جبراً منی سندن جدا اهل جفا قارداش
.
.
ووراندا اود خیامه قوم کینه یانموشام دلدن
دوتوب آتش وجودیم سربسر اودلانموشام دلدن
نه قدری یوز وئروب غم غصّه آسان سانموشام دلدن
ازل گوندن بلایه زینبون سویلوب بلا قارداش
.
.
یتوب از بس من زاره بوگون قارداش غم اوستن غم
حسینیم بار محنتدن اولوب بو سرو قدّیم خم
قوروب نعشون کنارینده حرملر حلقۀ ماتم
بیری قارداش دیر اوخشار بیریسی وا اَبا قارداش
.
.
یارالی جسمویون گلمز شماره یاره سی چوخدور
حسین باشدان ایاقه گل وجودون نیزه و اوخدور
اؤپوم بس هانسی عضووندن منه بیر بوسه گه یوخدور
دیر زینب ئولونجه وای ذبیحاً من قفا قارداش
.
.
ز بس خوردا اوشاقلاره وروبدور هر یتن سیلی
اولوبدور ضرب سیلیدن حسین گل یوزلری نیلی
اودور که زینبون کوچ ائیلماقدا واردی تعجیلی
بئله بولمه که سندن دویموشام ای باوفا قارداش
.
.
سکینه آز قالوبدور کثرت غمدن هلاک اولسون
ائیله قان آغلوری چوخ قورخورام که زهره چاک اولسون
سنیله بو شهادتده اونا بیر اشتراک اولسون
دوباره داغ چکسون قلبیمه بو ماجرا قارداش
.
.
اؤزون کوی وفاده چکدون ال جاه و جلالوندن
ئولونجه زینب مظلومه چخماز امتثالوندن
گوتورمز بیر زمان گوز شامه دین باش سیز عیالوندن
کسوک باشون کیمی اولام بو جمعه رهنما قارداش
.
.
آلوبلار معجرین سانما که بی معجر قالوب زینب
یوزه بو قانلو ساچلارین نقاب آسا سالوب زینب
مدیر مکتب غمدن بئله سرمشق آلوب زینب
غمیم آرتدوقجه بو قلبیم تاپار ذوق صفا قارداش
.
.
حسینیم لطف قیل عاصینون ایله دردینه چاره
دل آچسون قویما غیره عجزیله یالوارسون اغیاره
اؤزون آگاهسن دوشموش بو دوره امری دشواره
اونی بو ورطۀ درد محندن قیل رها قارداش
.
.
.
.
#کوچ_کربلا #عاصی_تبریزی
#دور_ای_عریان_قالان_نعشی_شهید_کربلا_قارداش
#ترکی
#زبدةالاشعار
نظر دهید