زبدةالاشعار

گل قیزیم سینمه گلمه بیله افغانه رباب #شام_غریبان #سعدی_زمان

زبانحال امام مظلوم بدخترش در شام غریبان
.
✍️ #زبدةالاشعار ✍️
.
🆔: @nohe_torki
.
مرحوم حسینی سعدی زمان
.
گل قیزیم سینمه گلمه بیله افغانه رباب
آز قالور گلسون آنام شام غریبانه رباب
.
.
قتلگاهی دولانور جدّیم آنام شیونیله
گزمه میدانی گل اول سنده مصاحب منیله
ویره جاق سس سسه زهرا آنام ایمدی منیله
قوراجاق آل عبا بوردا عزاخانه رباب
.
.
سن گلینجه دیمه بیر کس یوخیدی یاد ایده نیم
ساربان شام غریبانیمه گلمیشدی منیم
سویولوب باخمادی عریاندی بو باشسیز بدنیم
ایتدی ظاهر گینه بیر ذلّت خصمانه رباب
.
.
ایتدی بیر ظلم او بی رحم و جفاکار و ضلول
باش آچوخ ناله کنان گلدی بو صحرایه رسول
آغاران ساچلارین آلدی اله جنّتده بتول
مجتبی سالدی نوا عالم امکانه رباب
.
.
ایشیدوب ناگه آتا صوتینی بیچاره رباب
تیتریوب دیزلری قالموب اورگینده داخی تاب
موکنان مویه کنان هر طرفه قیلدی شتاب
یتدی تا مصرع سلطان شهیدانه رباب
.
.
بو چوخور یرده یتوب دوردی او بانوی عفاف
گوردی قانیله لبالبدی او گودال مصاف
بُلدی سکّان سماواته همان یردی مطاف
شمع ماتمده اؤزین ایلدی پروانه رباب
.
.
گوردی بسکه ورولوب خنجر و شمشیر و سنان
ایلیوب پیکرین اوخ نیزه سنقلاری نهان
قویمیوب سنگ جفا جسمیدن آثار و نشان
ایلدی حسرت الین اؤز باشنا شانه رباب
.
.
ایتدی بیر قدر نظر باغ رسالت ثمری
اگلشوب چکدی کناره او سنق نیزه لری
گوردی قان ایچره نمایان اولور اعضا اثری
دوتوب اول قانی یاخوب زلف پریشانه رباب
.
.
داشلارین چکدی کناره داش اورکلی سپهین
توکدی انجم کیمی اشکین گورونوب نوری مهین
بیر به بیر اوخلاری چکدی بدنیندن او شهین
کاش قربان اولا بو پیکر عریانه رباب
.
.
ای کلام الله ناطق شه اورنگ محن
بیر نفر یوخ ایده بو پیکر عریانه کفن
یازیلوب تیغیله جسمون اولوب اوراق ندن
یری وار جلدسیز اوراقه باخوب یانه رباب
.
.
بو ورقلرده یازوب زیر و زبر اوخ باباجان
خم قلج مدّ چکوب نقطه قویوب نوک سنان
اولوب اوچ شعبه لی پیکانیله تشدید عیان
متوسّلدی بو آیاته بو قرآنه رباب
.
.
بو حروفین بابا نه آخری نه اوّلی وار
قرمزی قانیله تذهیب اولونان جدولی وار
بو نجه نعشیدی نه بارماقی وار نه الی وار
زخمدور ال وروری ای بابا هر یانه رباب
.
.
کیم کسوب باشیوی کیم سویدی یارالی بدنون
لامحاله قالا قویموبدولا بیر پیرهنون
هانسی بی رحم بیلکدن الیوی کسدی سنون
یانار آغلار ستم فرقۀ عدوانه رباب
.
.
دوتولوب شمس هدایت گورونور قان شفقی
زخمون اولدوزدی داغیلمیش بدنون گل طبقی
بیر گلستاندا تاپولماز بو گلین بیر ورقی
اولا زیبنده دی بلبل بو گلستانه رباب
.
.
گلمدیم بو گجه وقتینده بابا اؤز باشیما
فاش ایدر سرّینی باخ قانه دونن گوز یاشیما
ساقلیقون تک کسیلن اللریوی چک باشیما
قویما گلسون بو قدر ناله و افغانه رباب
.
.
آلدیلار معجریمی زلفیمی سالدیم یوزیمه
ووردولار سیلی گجه اولدی ایشیق گون گوزیمه
سسیمه سس ویر ایدوم قویما نوا اؤز اؤزیمه
بُلوسن محنت و غمدن دایانوب جانه رباب
.
.
او یانان خیمه ده که ناله لر افغانه چاتوب
آغلاماقدان سسی اهل حرمین جمله باتوب
باش قویوب غم دیزینه زینب مظلومه یاتوب
بُلمدی یوز قویوب افغانیله میدانه رباب
.
.
گوردی رؤیاده بلا تیرینه آماج و سپر
آناسی فاطمه رخساره توکور اشک بصر
دیور عالمده یتیمی بیله ساخلالّا مگر
دور قیزیم گور نولوب آلامیله همخانه رباب
.
.
خوابیدن وحشتیله دوردی او مهمومه خانم
خورداجا قیزلارا سان ویردی او مظلومه خانم
دیدی آغلار گوزیله باجیسی کلثومه خانم
هانی باجی صدف محنته دردانه رباب
.
.
یوخ رباب آنلادی اهل حرم افغانه گلوب
هر ایکی باجی ویروب ال اله میدانه گلوب
گوردولر مصرع سلطان شهیدانه گلوب
گتوره سانسیز اولان محنتینی سانه رباب
.
.
گوردی زینب که تاپوبدور بالا بی کس آتاسین
آتاسی جان کیمی آغوشه باسوبدور بالاسین
بالا بالین ایدوب اوچ شعبه لی پیکان یاراسین
ضعف ایدوب بسکه توکوب گوزیاشی دامانه رباب
.
.
آتاسیندان آیروبلار بالانی رأفتیله
گتیروبلر او یانان خیمیه چوخ حسرتیله
صبح ایدوبلر او گئجه چوخ الم و محنتیله
سو سپوب اشکیله هر سینۀ سوزانه رباب
.
.
بو بالا بیرده اؤزین سالدی آتا سینه سینه
قول بویون اولدی همان عادت و دیرینه سینه
تازیانِیله آیردی باخ عدو کینه سینه
آشناسیندن اولوب جبریله بیگانه رباب
.
.
نوحه یازماقدا الهی بُلوسن یوخ غرضیم
من «حسینی» نسبم عشقیدی ذات و عرضیم
عَلی الاطلاق حکیمه دیورم وار مرضیم
دئ شفامی صله ویرسون همین عنوانه رباب
.
.
#شام_غریبان #سعدی_زمان
#گل_قیزیم_سینمه_گلمه_بیله_افغانه_رباب
#ترکی #کنزالحسینی2

متن پیشنهادی:  ای خلیل بالیدَلَنمَه چوخ سن ویرن فدانین نماسی وار #عید_قربان_سعدی_زمان

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی