دوشدی خیالیمه گنه بیر غملی ماجرا #حضرت_رقیه_خدانواز

توسل نمودن یک مریض به حضرت رقیه(س)
.
زبدةالاشعار
.
: @nohe_torki
.
فتح الله خدانواز
.
دوشدی خیالیمه گنه بیر غملی ماجرا
ثبت ایلرم کتابه نظر قیلسا گر خدا
.
تعریف ائدوبدی بو سوزی بیر مرد پاکدل
بیرگون سفرده اولموشودوخ باهم آشنا
.
منله دیوردی بستری اولموشدی بیر مریض
چوخ ناله ایلدی گجه نون وقتی بینوا
.
عرض ایلدیم نولوبدی سنه چوخ نوالیسان
دردون ندور که ایلیوسن روز و شب بکا
.
باخدی منه دوباره دولوبدور بولوط کیمین
توکدی سرشکینی دئدی نیلورسن ای آقا
.
دردون دئسون منه سنه اولّام شریک غم
بیر لحظه ساکت اول بئله شدّتله آغلاما
.
هرکس گلوب بورا بیلوسن دردی وار گلوب
اللهه قیل توکل اولار دردوه دوا
.
بیردن گره لنوب بوغازی اسدی لبلری
گویا گوزینده تیره و تار اولدی ماسوا
.
دورد آیدی گلمیشم دئدی بیمارم آغلارام
خالقدن ایستورم که منی ایلسون فنا
.
دورد آیدی بیر عیادتیمه اولمیوب گلن
دائم گوزوم باخار قاپیا گورمز آشنا
.
واردور بیر اوچ یاشیندا قیزیم بیرده بیر ننم
ترک ائتدی همسریمده منی گئتدی هاکذا
.
ایندی اولار دوشر یادیما آغلیار گوزوم
گولمز یوزوم بو گردش دورانه مطلقا
.
باخدیم بیر آز قوشولدوم اونا منده آغلادیم
ناگه دوشوبدی یادیمه بیر آیری ماجرا
.
گوردوم باخور منه دیوری عفو قیل منی
ائتدیم سنونده قلبوی من درده مبتلا
.
عرض ایلدیم دوشوب یادیما آیری ماجرا
بو ماجراده آز قالوری قلبیم اودلانا
.
گل بیر چیخاق سیاحته باهم گزک گلک
آلّام اجازه بوگجه بوردان اولاق رها
.
باخدی دئدی غریبم آقا من بو شهریده
یوخدور امید ائویم چیخوب آیا گئدوم هارا
.
عرض ایلدوم که شام غریباندی بو گجه
هئچ یر تاپانماساقدا اگر واردی غم سرا
.
آلدوق اجازه بستری ترک ایدوک اؤ دم
خلّاقی یاد ائدوب قاپودان چیخدوق ابتدا
.
بسکه ضعیفیدور دیزی گئتمیشدی تابیدن
هر بش قدمده بیر دایانوردی اؤ بینوا
.
ضعف ایلدی اوتوردی دئدی من گئدنمورم
یول گئتمگه دیزیمده داخی ذرّه یوخ قوا
.
قیترگیلن آپار منی ئوز جایگاهیمه
دنیا اولوبدی گوزلریمه ظلمت دجا
.
ئولسمده قوی اؤ یرده ئولوم تز خلاص اولوم
دوشسون باشون بلایه سنون اولمارام رضا
.
گلدی اؤ حینیده اورا نورانی بیر کیشی
گوردی بیزی اؤ حالتیلن دوردی برملا
.
بیر دقتیله باخدی دیله گلدی لاجرم
ائتدی سوال اؤ دم ندن آغلورسوز آی بالا
.
بوردا ندن توقف ائدوبسوز بو حالیلن
آزرده دل نیه ائدوسوز دمبدم نوا
.
عرض ایلدوم کمک لیگه وار احتیاجیمیز
غربتده قلبیمیز باشی آز قالدی قان اولا
.
بیز دردمندوک آختاروروق چاره تاپموروق
بو شهر ایچینده یوخدور اقلّاً بیر آشنا
.
فوراً بیزی سوار ائلیوبدور دوشوب یولا
بیزدن داخی سوروشمادی آیا گئدک هارا
.
بیر یرده دوشدی باخدی دئدی دستماز آلون
چکمیشدیلر اؤ غملی یره سر به سر قرا
.
گوردوم که یولداشیم دوشوری اختیاریدن
آز قالدی روحی جسمیدن اولسون اؤ دم رها
.
قلبیم دوشوب تلاطمه یاندیم بو محنته
یارب دئدیم بو باره ده من ائتمیشم خطا
.
بیر دسته وارد اولدی غرض صحن خانیه
یازمیشدیلار علملرینه وا مصیبتا
.
دوتدوم اؤ قاره پرچمی صدقیلن آغلادیم
قوزاندی آه و ناله سسی حشر اولوب بپا
.
هی دسته دسته گلدی اؤ مأوایه اهل غم
جمعیتین حدودی داخی گلمیوب سانا
.
بعضی دیوردی دادوزه بیماری سسلیون
بو چاره سیزلره وئره بلکه آقام شفا
.
بیمار اولوب ئوزی اودور امداده تز گلر
قویماز یانان ئورکلریمیز قانیلن دولا
.
بعضی دیوردی قولسوز علمداری سسلیون
عباس تک جهاندا تاپولماز گره گشا
.
بعضی دیوردی شاه لب عطشانی سسلیون
قنداقیده حسیندی وئرن فطرسه دوا
.
بعضی دیوردی زینب کبرانی سسلیون
قانلی ساچین آلوب الینه ایلسون دعا
.
بعضی دیوردی هارداسان ای غصه یورقونی
یافاطمه بو قلبلری قویما قان اولا
.
گرچه سینوب قابورقالارون یاره دور سینون
شرمنده ایلمه بیزی ای بنت مصطفی
.
بعضی دیوردی شام غریباندی بو گجه
بی یار و بی پناهین اولار یاری مرتضا
.
القصه محشر اولدی دیرسن اؤ صحنه ده
گویا که عرش و فرشی دوتوب شور و آه و وا
.
بیردن اؤ یولداشیم دئدی سسله رقیه نی
گوردوم گوزون دولاندیروری یرده ساق صولا
.
عرض ایلدیم نولوب دئدی زهرا ننم گلوب
سویلور رقیه دور بو گجه صاحب عزا
.
هامّی یاتوبدی بیرجه رقیّم اویاق قالوب
مقتلده آختارار شه بی یاری بینوا
.
ایوای رقیه ناله سی قوزاندی گوگلره
محشر اولوبدی چوخلاری غش ائتدی برملا
.
دوردی ایاقه بیردن اؤ بیمار پاک دل
گوردوم دیور هایانداسان ای شاه کربلا
.
گوندردیگون طبیبوه قربان اولوم آقا
احسن بئله طبیب دلارایه مرحبا
.
آلدیم سسین گورنمدیم افسوس چهره سین
گوردوم دیور ایاقه دور ای درده مبتلا
.
گئت گوزلیور قیزون یولوی قویما انتظار
بیلّم بو شهریده سنیچون یوخدور آشنا
.
وئردی شفا غرض اونا باب الحوائجه
هئچ بیر طبیب اونی ائده بیلمزدیلر دوا
.
گور کیمدی بو رقیه گلون بیزده یالواراق
هرکیم دخیل اولوب بونا آخر آلوب شفا
.
سنده(نوازی)یالوار اؤ اوچ یاشدا دختره
صدقیله سسله بلکه اولا مطلبون روا
.
#حضرت_رقیه_مدح
#دوشدی_خیالیمه_گنه_بیر_غملی_ماجرا
#ترکی
.
#زبدةالاشعار
.
: @nohe_torki