دوشمه نابَلَدین آردینجا یولا #پندیات_قیزیل_قلم

نصیحتی پدرانه
.
زبدة الاشعار
.
: @nohe_torki
.
اکبر ستاری ( #قیزیل_قلم )
.
دوشمه نابَلَدین آردینجا یولا
گئتدیکجه سرگردان قالارسان اوغلوم
سنی یولدا یورار ناشی بَلَدچی
اؤزونو داغ داشا چالارسان اوغلوم
.
.
علم سیز بلدچی صبرسیز یولداش
یاخشینی یامانی بیلمه ین سیرداش
اینجیدر کؤنلونو تؤکرسن قان یاش
آخدیقجا قانینی یالارسان اوغلوم
.
.
پاخیلا نادانا سرّینی دِئمه (1)
کینه لی شخصیلن دوز چؤرک یِئمه
یاغیش اومیدینه دَن سپمه دِئمه (2)
اؤزونو مشکله سالارسان اوغلوم
.
.
احتیاط لا دولان سِیر اِئت عالمی
اؤزونه اؤزگَه یه اِئتمه ستمی
بیر گون ایتیررسن«قیزیل قلمی»
عطرینی سؤزون دن آلارسان اوغلوم
.
(1)دِئمه = نگو
(2)دِئمه = زمین دِیمی
.
#پندیات_اوغلوم
#دوشمه_نابلدین_آردینجا_یولا
#ترکی
.
#زبدةالاشعار
.
: @nohe_torki