مدح حضرت زهرا (س)
.
✍️ زبدة الاشعار ✍️
.
🆔: @nohe_torki
.
#علیرضا_عباسی (احسان تبریزی)
.
خلقتی ای کون وامکانه علل یا فاطمه
عشق پاکیندیر منه خیر العمل یا فاطمه
.
.
آدیوی ورد ایلییب اهل سما افلاکیده
شانیوی حق بیلدیریبدی فخری وار لولاکیده
آسمانی سن حبوط ائتدین اودور بو خاکیده
واسطه خلقه ائدیبدی لم یزل یا فاطمه
.
.
خلقتیندن واریمش عالمده عمده بیر هدف
کل مخلوقه وئریبسن دهریده عز و شرف
عالمین دار و نداری بیر طرف سن بیر طرف
ایلیب برتر سنی حی ازل یا فاطمه
.
.
حیف یدیر نورون قیاس ائتسم اگر ناهیدیلن
حق برابر ایلیبدی ماهیلن خورشیدیلن
باشه یتمز مدحتین تعریفیلن تمجیدیلن
خلقت هستیده سنسن بی بدل یا فاطمه
.
.
صبح هستی سندن الدی نور ایشقلا ندی جهان
جوهر خلقت بو دورد عنصردی هستیده عیان
آب و اتش خاک وباده جوهره سن بی گمان
نظم عالمده اودور یوخدور خلل یا فاطمه
.
.
معنی یاسین و طاها متن الرحمانیسن
رود تک قراندا جاری کوثر قرانیسن
عرش و فرشه منبع احسان بی پایانیسن
سندن اولدی رطب و یابس ما حصل یا فاطمه
.
.
خبره صرافین نبی ای گوهر والا تبار
قیمت و قدرین بو عالمده ائدیبدی اشکار
حرمتین واجبدی امرائتدی رسول کردگار
امر حقدور ایلورم منده عمل یا فاطمه
.
.
اشرف مخلوق آتاندور عالمه فلک نجات
اولماسیدون سن دولانمازدی بو چرخ کائنات
هستی عالم سنه مرهوندی ای پاکیزه ذات
خلقتین کامینده شیرین چون عسل یا فاطمه
.
.
سن گلن وقته ایا معصومه ی والا مقام
گور جگین ایلردی ختم الانبیا فورا قیام
تئز چکیب آغوشه ایلردی سنه چوخ احترام
امر ایدردی دیدیمه سن گونده گل یا فاطمه
.
.
آدیوی القابیله همیشه طاها سسلییب
راضیه مرضیه هم صدیقه زهرا سسلییب
بضعه منی دیوب ام ابیها سسلییب
باشیوه طاها چکردی هر گون اَل یا فاطمه
.
.
حیف اوگونلردن ائدردین احمده عالمده ناز
خوش گونون عمری بو دنیاده ولیکن اولدی آز
ائتمدی شرم وحیا بیلمم ندن اهل مجاز
گئتدیلر راه خطا قوم دغل یا فاطمه
.
.
فتنه گرلر مرتضانین قلبینی قان ائتدیلر
درگهینده آتش کینه فروزان ائتدیلر
یاندی در گویدن ملکلر گلدی افغان ائتدیلر
ثانی نمرودیدی اوگونده فی المثل یا فاطمه
.
.
باده ی ظلم عداوتدن اولار اولموشدی مست
یاندیدروب درگاهی ای کاش ال چکیدی قوم پست
ائتمییدی ضربتی پهلولرین بلکه شکست
کاش اولیدی قنفذی اول لحظه شل یا فاطمه
.
.
نیلدی اعدا سنه شاهدی حیّ لا یموت
قنفذین ظلمون بیانگر اولدی بیر الّی قنوت
قول گویردی سندی پهلو ایلدی امّت سکوت
رشته ی الفت ائدیب اعدا گسل یا فاطمه
.
.
محنتین چوخدور خانم یاد ایلییب قان آغلارام
سوز دل طبع روان ایلیب سن «احسان» آغلارام
دردمندم بیکسم حالی پریشان آغلارام
سسلرم در مانده ام امداده گل یا فاطمه
.
#سبک_زینبم_جان_اوستیم … 4 سبک
.
#فاطمیه_مدح
#خلقتی_ای_کون_و_امکانه_علل_یافاطمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید