عالم وله
.
✍️ #زبدةالاشعار ✍️
.
🆔: @nohe_torki
.
مرحوم سعدی زمان
.
دوشموشدى قان ایچینده یارالی شه نبيل
دوتموشدی جوّ لايتناهینی قال و قيل
.
دگمیشدی عالم جبروت اهلی بیربیره
سویلردیلر که ای هامی خلقه اولان دلیل
.
بو سوؤگلون حسیندی قوم اوسته سیزیلدیری
اطرافینی آلوبلا بونون فرقۀ رذیل
.
عين الحيات دور ئوزی ، لب تشنه جان وئرور
ايلولَّه سو یانیندا ، سوسوز کوفیان قتيل
.
گوتدی حجاب و پرده نی ، ستّار لم يزل
گوستردی صاق عرشده بیر صورت جمیل(۱)
.
سس خلق اولوندی آلّام ئوزوم انتقامینی
بو قائميله ، ایلمیون ناله و عويل
.
بوسؤگلومدی اولّام ئوزوم قاننه دیه
اولماز مقام قربده بیرکس بونا عديل
.
حال وَلَه ده جلوه گهِ عشقدِیدی شاه
پابوس شاهه اولدی شرفیاب جبرئیل
.
گوردی وفالی نوکری ، مولا یارالیدور
قانی آخوبدی مصرعینی ایلیوب مسیل
.
گون ایستی دور سیزیلدیری جسمنده یاره لر
یوخدور یارالی پییکرینه سایه و ظليل
.
بو فکریله که سایه سالا آچدی شهپرین
عرض ائتدی ای رسول گرامه گوزل سلیل
.
آچ قانلو گوزلرون بو گوزل گوزلره فدا
ناز ایتمه جبرئیله ایا سرور بدیل
.
قویما یوزووی قانلو قوم اوسته سیزیلداما
رحم ایلمز سنه بُلوسن لشگر محيل
.
باخما فراته قوم عدودن سو ایستمه
سن العطش دينده دونور قانه سلسبيل
.
قرب وصالدن سنه دعوت گتورمشم
چوخ ايتمسون فراق غمی ،روحیوی عليل
.
بزم وصاله سندن اوتور ، زينت ايليوب
گل ، منتظردی گلماقوا خالق جليل
.
مسند نشین مجلس خلّت سنی سئچوب
ایلر مقام خلّتوی ، آرزو خليل
.
يول گوزلوری بهشتده ، خير النساء آنان
بسدور تیکوبدی گوز یولا بیر مدت طويل
.
خلاق لم یزل بویوروب ، عرض ائدم سنه
تقرير امره گرچه لسانیم اولور کليل
.
بیکس لره بلورسن ئوزون من ئوزوم کسم
يوخ من کیمی عوالم امکاندا ، بیر وکیل
.
سن گل بالاجا قیزلاروون قالما قيدينه
اولّام یتیمه قیزلارووا ، من ئوزوم کفیل
.
من عاشقم سنه چکرم نازوی ئوزوم
بیر قان که خون بهاسی منم قوی اولا سبيل
.
تاج کرامتی قویارام باشیوا سنون
گرد ملال قلبیوه لطفيم اولار مزيل
.
اوغلوندی نوکروندی (حسینی) حسین آقا
ایسته خدا عزیز ایلسون ، ایتمسون ذليل
.
سن اؤز آقاليقون یتور ، اوُل قدر وير صله
باخماکه چوخدی معصیتیم ، خدمتیم قلیل
.
1- كتاب لهوف سید ابن طاوسی
.
.
#حسینیه_شهادت #قتلگاه
#دوشموشدى_قان_ایچینده_یارالی_شه_نبيل
#ترکی #بهار_بی_خزان_حسینی
.
✍️ #زبدةالاشعار ✍️
.
🆔: @nohe_torki
نظر دهید