زبدةالاشعار

دوشموشم منایه قولسوز چوخدی دشمنیم حسینیم #عباسیه_تفاخری_اردبیلی

استمداد حضرت ابوالفضل العباس علیه السلام
.
✍️ زبدة الاشعار ✍️
.
🆔: @nohe_torki
.
مرحوم تفاخری اردبیلی
.
دوشموشم منایه قولسوز چوخدی دشمنیم حسینیم
گل آماندی کسمسونلر باشیمی منیم حسینیم
.
.
رحمسیزدی بو جماعت داش ویروللار هی داشا وسته
بعضی سی دیور قوی ئولسون بو یارالی قارداش اوسته
بیر بیره دگوبدی لشگر جنگ ائدورله بیر باش اوسته
گل اماندی چوخ یوبانما یوخدی مأمنیم حسینیم
.
.
آگهم بو ماجرایه چکمز ال قوشون باشیمدان
علتین بیری سوروشسا صورتیمده گوز یاشیمدان
توشه ایستورم آلام من سن وفالی قارداشیمدان
گل صورا جدایه گئچسین رأس بی تنیم حسینیم
.
.
حقه خاطر ئولسه هر کیم ایستمز نه قول نه جان باش
وار ئورکده بو تمنا گلمگون گوریدیم ایکاش
باشیم اوستونه گلیدون قارداشون ئولیدی قارداش
ذره دردیم اولمازیدی قلبیده منیم حسینیم
.
.
گلمگونده بیرده واردور عمده بیر نظر برادر
ایستورم کی دوشمه سینلر آیری بیر خیاله لشگر
گلمدی آقا هرایه بی وفائیمیش بو نوکر
گل سوؤنمه سین بلالی چولده دشمنیم حسینیم
.
.
بس که اولموشام فدا من بیر وجود حق پرسته
قان آخور یارالاریمدان اولمارام بو چولده خسته
باشیمی گلوب سن آلسون بو مکاندا بیر دیز اوسته
عرشدنده باش اولور بو قانلو مسکنیم حسینیم
.
.
قارداش آدون ازبر اولدی هم دیلیمده هم سوزومده
ایله عشق مطلق احساس ایلورم من اؤز اؤزومده
بیر دقیه صون نفسده اولسا گر گوزون گوزومده
روضۀ جنانه اوخشار قانلی گلشنیم حسینیم
.
.
تاب و طاقتون یوخوندی دوزدی تشنه سن برادر
مند تشنه یم اگر چه سو گتوردی شاه خیبر
من دئدیم سوسوزدی مولا عیب دور سو ایچسه نوکر
لکّه لَنمه دی وَلاکن عشق دامنیم حسینیم
.
.
آتش عطش کؤزردی لب لریم دیلیم آلیشدی
دلخوشام سو ایچمه دیم من نفسیم هر قدر چالیشدی
دلخوشام قانیم بو چولده عالی قانلارا قاریشدی
دلخوشام اولار بو یئرده سنله مدفنیم حسینیم
.
.
.
.
#عباسیه_تفاخری_اردبیلی
#عباسیه_شهادت
#دوشموشم_منایه_قولسوز_چوخدی_دشمنیم_حسینیم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آلتی گوشه قبری گوز هر لحظه هر آن آختارور #کربلا_شوری_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی