شهادت صدیقهٔ کبریٰ(س)
.
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
همین خبر که قلم نظمیله ائدور انشا
صحیح دور سندی مخبری اولوب اسما
.
دیور که ظهره یاخین یادگار پیغمبر
مخاطب ائتدی منی اول شفیعه ی محشر
.
بویوردی حاضر ائله رختخوابیمی اسما
قدیفه اوستومه چک قویگیلن منی تنها
.
اورک صحیفه سینی غصه دن رها ایله
بیر آز تأمل ائدوب گل منی صدا ایله
.
سسوه وئرسم اگر سس بو رختخوابیمدن
سوروش نه مطلبون اولسا دیوم جوابینی من
.
سسیم اوجالماسا بیل حقینه چاتوب زهرا
گئدوب بقایه فنا داشینی آتوب زهرا
.
دیور که فاطمه نون ائتدوم امرینی اجرا
گئدوبدی بستره من ائوده قالمادوم اما
.
زمانی صحن امامتده ایلدوم تأخیر
فراقی بسکه منیم ائتدی قلبیمه تأثیر
.
گلوب بتولی چاقوردوم سسیمه وئرمدی سس
یقینیم اولدی که جسمینده قالمیوبدی نفس
.
پیمبرون قیزی ترک ایلیوبدی دنیانی
گتوردی گوگلومی درده ملال هجرانی
.
ایاق طرفده اوتوردوم اوجالدی افغانیم
یاخین اولوب یوزه گوزدن آخا جگر قانیم
.
دیردوم ایندی حسینی گلور بو خونجگرین
نجه وئروم بالیا من آناسینون خبرین
.
ئوزومی غصه و غمدن نجه رها ائلیوم
گلن زمانیده کلثوم و زینبه نه دیوم
.
همان زماندا نه گوردوم گلور حسین و حسن
سیلوب سرشگیمی تز پیشوازه چخدوم من
.
منی گورنده ایکی نور دیده ی زهرا
اوَل آنالارینون حالین اولدولار جویا
.
جواب عرض ائلدوم استراحت ایلوب آنوز
گئدوبدی بستره تازه فراغت ایلوب آنوز
.
بویوردولار آناموز ظهر وقتیدور یاتماز
نماز و راز و نیازون خیالینی آتماز
.
ائله خیال ائلمه بیلموروک قضایانی
آناموزون ئولومون بیزدن ائتمه پنهانی
.
دئدوم کنیزوزه سیز فاش ائدون بو جریانی
آنوز ندن بیلوسوز ترک ائدوبدی دنیانی
.
بویوردولار بیزه بو نوعی کشف اولوب اسما
بابام حضورینه گئتدوک برای اخذ شفا
.
بو غملی گوگلومیزی غصه دن رها ائلیک
آنامیزی ایکی قارداش دوروب دعا ائلیک
.
اولاندا روضیه داخل یتیشدی رمز عزا
گلوب قولاقیمیزه یعنی غیبیدن بو صدا
.
بو لفظیله بیزه یتدی آنامیزون خبری
کنار اولون گلوری فاطمه یتیمیلری
.
چتین دوزه بو غمه اولسا قلبیلر داشدان
عمامه سین ایکی قارداش گوتوردیلر باشدان
.
سرشک گوزلرینون کاسه سینده داشلاندی
آنا جنازه سینون اوسته نوحه باشلاندی
.
حسن دیردی آنا یاتما وقت راز و نیاز
نماز وقتیدی دور ائتگیلن ادای نماز
.
باشیوین اوسته بیزی زار و دلغمین ائتمه
کسوب علاقه بالالاروی قویوب گئتمه
.
حسین دیردی آنا زلفیمون توزین کیم آلار
بو خانمانیده سنسیز حسین نه نوعی قالار
.
سولار یوزوم آناجان غصه دن نجه سولماز
داخی منیم بیلورم نازیمی چکن اولماز
.
در نشاطی الیمله یوزیمه باغلیارام
گیوب قرا سنه زینبله دائم آغلیارام
.
سینه سی اوسته منی نازلی بسلین آناوای
حسینی کلمه ی جانیله سسلین آناوای
.
اورگی آتش ظلمیله داغلانان آناوای
قاپوسی ظلم و عداوتله باغلانان آناوای
.
.
#فاطمیه_انور_اردبیلی
#فاطمیه_شهادت
#انقلاب_کربلا
#همین_خبر_که_قلم_نظمیله_ائدور_انشا
#ترکی
.
✍️ #زبدةالاشعار ✍️
.
🆔: @nohe_torki
نظر دهید