قصّه ی شام
.
.
مرحوم یحیوی اردبیلی
تضمین از مرحوم عاصی تبریزی
..
..
دوندردی غصّه باغریمی آلقانه شامده
اولدوم شرار آهیمه پروانه شامده
یاندی وجودیم آتش هجرانه شامده
گلدیم ز بس که ناله و افغانه شامده
ائتدیم بو خرّم ائولری غم خانه شامده
..
..
گزدیم ملال بحرینی بخت سیاهلن
غم تخته پاره سینده دل بی پناهلن
موج بلاده، زمزمه ی گاه گاهلن
توکدیم او قدری گوزیاشی فریاد و آهلن
طوفانه وئردیم عمریمی ویرانه شامده
..
..
جانیم اریتدی شمر آجقلو عتابه ده
باغلادی قولّاریمی او ظالم طنابه ده
دُؤزدوم دگنده قمچی سی درد و عذابه ده
غم چکدیم اون بیر آی بو قرانلوق خرابه ده
دوشدوم صغیر سنّیله زندانه شامده
..
..
بو اون بیر آی خرابه ده که ایلدیم مقام
اکبر دئدیم بابا چاغیریب آغلادیم مدام
بایرامدا آغلادیم من، اولوب شاد اهل شام
نه فرش و نه چراغ و نه طبخ و نه بیر طعام
بیله رعایت ائتدیله مهمانه شامده
..
..
اولدوم اسیر، لطمه رُخ زرده وورمادیم
حرف شکایت هیچ کسه هیچ یئرده وورمادیم
زلفمدن اوزگه صورتیمه پرده وورمادیم
قالدیم خیال طرّه ی اکبرده، وورمادیم
بیر دفعه شانه زلف پریشانه شامده
..
..
شیدای بوستان ادب غرق نازیدیم
دولت سرای شاهده مهمان نوازیدیم
صاحب جلال و شوکتیدیم سرفرازیدیم
من دختر شهنشه مُلک حجازیدیم
اولدیم غریب و بیکس و بیگانه شامده
..
..
یوخ بیر نفر بو شهرده من ناتوان کیمی
کنج قفسده طایر بی آشیان کیمی
دام شکار ظلمده ام آهوان کیمی
غصّه سارالتدی رنگیمی برگ خزان کیمی
قالدیم غم آتشینده یانا یانه شامده
..
..
شام اهلی قیلدی آل رسوله مخالفت
اولمادی بیر گون ائتمیه اعدا مزاحمت
من ایلدیم بو زحمته صبر و مقاومت
اوّل گولوب شماتت ائدن قزلار، عاقبت
هم ناله اولدیلار من نالانه شامده
..
..
قزلار چخاردی گردشه وجد و خرامچون
گوردوکجه سوزش آرتوق اولوردی یارامچون
آغلاردیم اوز غمیمه نه آب و طعامچون
نالم مؤثر اولدی زبس اهل شامچون
شرح ائتدیلر ملالیمی هریانه شامده
..
..
مشغولیدی بی بیم گئجه وقتی نمازیلن
صبحه کیمی اویاقیدی راز و نیازیلن
منده کچرتدیم عمریمی سوز و گدازیلن
یاتدی یزید قزلاری مین عزّ و نازیلن
من حسرت استراحته بیر آنه شامده
..
..
بیر آن دایانماقا یری یوخ گوزده یاشیمون
حاصل منه بو اولدی بو مدّت تلاشیمون
بو شهریده منم اثری آل هاشیمون
بزم یزیده حاضر اولان گونده باشیمون
یتدی هامی بلالری پایانه شامده
..
..
قول باغلی، سر برهنه، اوزوم کهنه رختده
تیترر هراس دن بدنیم، حال سختده
یاپراق گلوب تلاطمه گویا درختده
گوردوم بابام باشی قویولوب پای تختده
باشسیز عیالی خار و ذلیلانه شامده
..
..
عمّم دوروب باخور باباما قامتی کمان
عطشان دوداقلارا یتشوب لخته لخته قان
گورسندی ظلم الینده سر شاه تشنه گان
بیر شور سالدی شهره اوگون چوب خیزران
کافرلر ائتدی طعنه مسلمانه شامده
..
..
ائتدیم اورکده اکبریمیلن مصاحبت
گوزیاشیم ایلدی منه چوخ چوخ مساعدت
یتدی تمامه تلخی جام مفارقت
تپراقلار اوسته گوشه ی غربتده عاقبت
وئردیم بو خسته جانیمی جانانه شامده
..
..
قصد مدینه ائیلمه دیم کاروانیلن
ویرانه نی مکان ائلدیم خسته جانیلن
بی رحم شامیان یودیلار قانی قانیلن
باش آچدی عمّه لر باشیم اوسته فغانیلن
گلموبدو کیمسه شام غریبانه شامده
..
..
ای نازدانه ی حرم شاه خونجگر
نیسگللرون یازوب اوخیور «یحیوی» دییر
صحن شریفوه کرم ائت ایلیوم سفر
من روسیاه «عاصیه» لطفیله قیل نظر
قربان اولوم او روضه ی رضوانه شامده
..
..
#حضرت_رقیه #یحیوی_اردبیلی #عاصی_تبریزی
#حضرت_رقیه_شهادت #حضرت_رقیه_عاصی_تبریزی
#دوندردی_غصه_باغریمی_آلقانه_شامده
#گلدیم_ز_بس_که_ناله_و_افغانه_شامده
#ترکی
#زبدةالاشعار
نظر دهید