زبدةالاشعار

ای دل عشقون عیاری زینبدی #زینبیه_ساعد_زنجانی

یا زینب
.
✍️زبدة الاشعار✍️
.
🆔: @nohe_torki
.
مرتضی اسکندری ( ساعد زنجانی)
.
ای دل عشقون عیاری زینبدی
باغ حُسنون بهاری زینبدی
.
کربلا ، کربلا قالوبدی اگر
شکّی یوخ ، اعتباری زینبدی
.
گرچه دنیا حسینی چوخ ایستر
لیک حسینون نگاری زینبدی
.
گورمینده حسینی آغلاردی
چون حسینون قراری زینبدی
.
عفته فاطمه صدفدی اگر
گوهر شاهواری زینبدی
.
عصمت اللهیدور اگر زهرا
اونون آئینه داری زینبدی
.
مریمون سرگذشتینی اوخودوم
گوردوم آموزگاری زینبدی
.
ناز ایدر زرق و برق دنیایه
او که دار و نداری زینبدی
.
کیم بو دنیاده یار زینبدی
صبح محشرده یاری زینبدی
.
کیمدی زینب شفیعه ی عرصات
گوندرون روح پاکینه #صلوات
.
.
.
.
زینب آئینه ی حقیقتدی
مَطلع مُصحف نجابتدی
.
حلمیده یوخ نظیری دنیاده
صبریده کوه استقامتدی
.
قارداشی کشتی نجات اولسا
خانم استاد درس حکمتدی
.
وار یقینیم که صبح محشرده
زینب هر یرده اولسا جنتدی
.
آنامون باشینه دولانّام من
او منه زینب آدین ئورگتدی
.
نیلورم تاج و تخت شاهانه
لطف زینب منه کفایتدی
.
گونده یوز مرتبه دیسم زینب
منه بالاترین عبادتدی
.
زینبون هییتینده ئولسم اگر
بو ئولوم سر به سر سعادتدی
.
کیمدی زینب شفیعه ی عرصات
گوندرون روح پاکینه #صلوات
.
.
.
زینب آموزگار عرفاندی
آفتاب سپهر ایماندی
.
حلمیده ، صبریده ، بلاغتده
شاهکار خدای منّاندی
.
شیر زن دور اگر شجاعتده
دانش آموز شیر یزداندی
.
خلقتینده خدیجه ی ثانی
نطقیده عین شاه مرداندی
.
خطبه سین دقتیله ایله مرور
معنی آیه های قرآندی
.
امر ایدوب خطبه سینده معروفه
نهی از منکری فراواندی
.
او که درک ایلمز خانم کیمدی
نَقَدَر عاقل اولسا ناداندی
.
زینبه هرکیمون ارادتی وار
جایگاهی بهشت رضواندی
.
قبرین اول گونونده زینب چی
جان زینب حسینه مهماندی
.
کیمدی زینب حدیقه ی حسنات
گوندرون روح پاکینه #صلوات
.
.
#زینبیه_مدح
#ای_دل_عشقون_عیاری_زینبدی
#زینبیه_ساعد_زنجانی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دگدوقجا قانلی زلفوه باد سحر على #اصغریه_صمد_قاسمپور

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی