دوننم باشووا هر دم پروانه کیمین قاداش #وداع_امانی_اردبیلی

وداع حضرت اباعبدالله الحسین (ع)
..
..
..
حاج علیرضا امانی اردبیلی
..
..
..
دوننم باشووا هر دم ، پروانه کیمین قاداش
ترک ائیله مه اخیامی ،بیگانه کیمین قارداش
..
..
..
کیم قالدی اسارتده، آزاده پرست اولماز
ای معنی آزادی، جنگونده شکست اولماز
من تک بیری مخمور و سن تک بیری مست اولماز
مخموری آپار کوی مستانه کیمین قارداش
..
..
..
عاشق کی غم عشقه بیر آیری خیال ائتمز
مین درد اولا هر ساعت، بیر ذرّه ملال ائتمز
زهرا قزیدور زینب، بیدادی حلال ائتمز
پیکاریدن ال چکمز، پایانه کیمین قارداش
..
..
..
زینبله گرک قالسون، بیر دسته اوغولسوزلار
اقبالیمه آغلوللار، گویلرده کی اولدوزلار
اولما نگران ،قویماز، پرپر اولا بو قئزلار
پر وئرسه اگر زینب، پروانه کیمین قارداش
..
..
..
ای جان جهان گئتمه، دیندیر منی اوننان گئت
آغوشینه قوی آلسین، زینب سنی اوننان گئت
آل اگنیوه بیر کهنه پیراهنی اوننان گئت
تا سویمیالار رختِ شاهانه کیمین قارداش
..
..
..
واضحدی منیم دردیم گؤزلردن آخان یاشدان
من صبر ائدرم اما، مین ناله گلور داشدان
قارداش باجیدان دویسا دویماز باجی قارداشدان
باخ سینمه ویراندور ویرانه کیمین قارداش
..
..
..
اولما نگران گرچه سایسیزدی غمین حَدَى
دوز ساخلیوب اینجیتمه، غمنن بوکولَن قَدَى
وار زینبیون صبری زهرا منه ئورگتدی
مسمار بلا درسین ،پیکانه کیمین قارداش
..
..
..
اون گوندی یانور قلبیم، آرتیق منى یاندیرما
صبر ائیله الون بلده، آخ چکمه قدم وورما
نیینک باجوی سایما چوللرده دانیشدیرما
وار سنله منیم عهدیم هجرانه کیمین قارداش
..
..
..
منلن سنه بو غوغا بیر سیر طریقت دور
ابراز شرافت دور احیای شریعت دور
شش ماهه نی اوچ پر اوخ، ئولدوردی حقیقت دور
یاددان بو بلا چئخماز افسانه کیمین قارداش
..
..
..
قارداش داریخور قلبیم، دوت اللریمی الده
زهرایه قسم بیلدیم آخر غمی اوّلده
وقت آزدی سوز اما چوخ گؤررم سنی مقتلده
حنجردن آخور قانون، دامانه کیمین قارداش
..
..
..
..
#وداع #امانی_اردبیلی #حسینیه #حسینیه_وداع #حسینیه_امانی_اردبیلی #ترکی #زبدةالاشعار