دویمادی حرمله بیر لحظه شقاوتدن علی #اصغریه_حسین_رحمتی

زبان حال خانم رباب (س) در شهادت حضرت علی اصغر (ع)
..
..
مرحوم میرزا حسین رحمتی مرندی
..
..
دویمادی حرمله بیر لحظه شقاوتدن علی
تیریله آچدی سنی زحمتلن سوددن علی
..
..
علی سینمده منیم اوچ گونیدی سود یوخیدی
بولورم نازلی بالام سنده ده طاقت یوخیـدی
دیمه بس سود یرینه قسمتین آخر اوخیدی
گوزین آچ بی کس آنان یاندی بو قسمتدن علی
..
..
بوغازین زخمینی گل گوزده کی اشکیله یوووم
سینمه قانه بویانموش یوزیوی بیرده قویوم
ايستورم قانیویله زلفیمی قرمز بویویوم
زینتیم تا اولا بو قانلو جراحتـلن علـى
..
..
سنی بو آلتی آیی گوزدن اوغول آتماموشام
بولوسن چوخ گیجه لر صبحه کیمی یاتماموشام
اؤزومی یورموشام آخر سنی آغلاتماموشام
دیمه دیم زحمتیمی بیر کسه عفّت دن علی
..
..
بو یانان قلبی خدنگ غمیله دَلدین اوغول
آپارور دایۀ قدسی سنی دینجلدین اوغول
گدیسن گیت گوزوم اوسته علی خوشگلدون اوغول
سوتوی کامل ایله دايۀ جنتدن علی
..
..
قلبیدن محنتوه آغلادی چوخ یاندی رباب
سنی آغوشه آلاندا نجه بس ایلدی تاب
بو مصیبنده علی «رحمتی» ده اولدی کباب
ایتمه بی بهره اونی فیض شفاعتدن اوغول
..
..
..
#اصغریه #حسین_رحمتی #اصغریه_شهادت #ترکی #زبدةالاشعار