فاطمیّه گلوری عرض ادب فاطمیه
..
..
منتظری شریف آباد
..
..
یاز قلم حرمتیله بحر گُهَر پروردن
صنعت بارزۀ حضرت صنعتگردن
زینت سینۀ سینای نبی کوثردن
سبب خلقت پیغمبریله حیدردن
«منزوی» یاخشی دیوب صنعت صنعتگره باخ
باعث خلقت افلاک خانم کوثره باخ
..
..
..
ذاتیده اُسوۀ ارزندۀ صُنع سرمد
مِثلُها لَم یَلِدَت مَنزِلةً حَتی الاَبَد
هاردا تکرار اولونار بیرده جناب احمد
گرچه قادردی نه عاجز عملاً حَیِّ صمد
فکر ایله حکمت خلاق بشر پروره باخ
باعث خلقت افلاک خانم کوثره باخ
..
..
..
مُبتَنی دور سببه ، حکمته ، هر پیدایش
صفحۀ خلقته لازمدی بلی آمایش
یوخدی دنیای مَشیَّتده هدفسیز زایش
حکمت مُطلقه ده اولماز عبث افزایش
آدمون نسلین اداره ایلین داوره باخ
باعث خلقت افلاک خانم کوثره باخ
..
..
..
نجه که سنگ محک واضح ایدرذات زری
زرِ نابی تانیا زرگرِ عالی نظری
قول لولاک دیوب قدرِ بوخالص گُهَری
ناب و بی مثل یارادموش یارا دان بواثری
زره باخ زرگره باخ دست گُهَر پروره باخ
باعث خلقت افلاک خانم کوثره باخ
..
..
..
اوزماندان که اولوب دُرج نبوّتدن عیان
گون کیمی فیض وافاضاتی عیان قدری نهان
وردی اود درگهینه ظلموله نمرود زمان
درو دیوارآراسوندان اوجالوب عرشه فغان
یخیلوب فضّه خذینی چاقوران مُضطره باخ
باعث خلقت افلاک خانم کوثره باخ
..
..
..
گنج اَسرار خدا نیزۀ مسماره نشان
درو دیواره یاخولدی یارالی دوشدن قان
آتاجان اولدی آنام سسلدی زینب اوجادان
نیلیه قولّاری باغلیدی اَبَر مرد جهان
قولّاری دینه گوره باغلی اولان حیدره باخ
باعث خلقت افلاک خانم کوثره باخ
..
..
..
دشمنِ ذاتیِ اسلام عربِ اَهرِمنی
فکر و اندیشه سی بد نیّتی بد شوم و دنی
قویمادی خشک اولا پیغمبرون اطهرکفنی
وردی اولدوردی ایونده بالاسی فاطمه نی
ظلمه باخ کینه یه باخ عترت بی یاوره باخ
باعث خلقت افلاک خانم کوثره باخ
..
..
..
اوطرفده اوجالور شعله بی وقفۀ در
گوئیا حمله ایدور بت شکنه موج شرر
یارالی یاسلی خانم بیر بیله حالدا نیلر
نالۀ وا اَبَتا دلده آخور خون جگر
ظلموله نصفی یانان قانه بلشموش دره باخ
باعث خلقت افلاک خانم کوثره باخ
..
..
..
بیر طرفده یخیلوب ختم پیمبر بالاسی
گوزلری یاشلی دوشی پیکری احمر بالاسی
خاک وخون ایچره دوشوب غنچیه بنزربالاسی
دیه سن اوخ دگوب حُلقومنه اصغر بالاسی
آغلا زهرا خانما محسنه باخ اصغره باخ
باعث خلقت افلاک خانم کوثره باخ
..
..
..
منتظِر گلشن عترتده آچان گل سارالوب
گلشنون نزهتنی صرصر بیداد آلوب
سرولر عالم معناده یخیلجاق اوجالوب
سوز اورکدن گله پاینده دی شاعرقوجالوب
شکر ایله لطف حقه طبع سخن گستره باخ
باعث خلقت افلاک خانم کوثره باخ
..
..
..
#فاطمیه #منتظری #فاطمیه_شهادت #ترکی #زبدةالاشعار
نظر دهید