حالات پرنده خونین پر
..
..
#سبک_ای_حرمینه_ناز_ائدن … 3 سبک … عطری گلور محرمون … واردی باشیمدا یا حسین …
..
..
مرحوم مضطر اردبیلی
..
..
خون حسینیلن گیوب جامه قنادی قانلی قوش
تا یتوره مدینیه نامه قنادی قانلی قوش
..
..
تاپدی حسین وزیرینون قولسوز اولان جنازه سین
قاصد کربلالقون اوندان آلوب اجازه سین
کاغذینه قنادینون یازماقا خون تازه سین
دیمدیگین ایلدی او دم خامه قنادی قانلی قوش
..
..
چون بویادی او قانیلن صورتیلن قنادینی
قاصد کربلا قویوب منتشر ایتدی آدینی
گوزلیوبن مدینه نون نقطه سین بلادینی
بلکه یته اورگده کی کامه قنادی قانلی قوش
..
..
کاغذینه یازوب نئی ظلم گروه کینه نی
طیّ منازل ایلیوب درک ایلدی مدینه نی
ایو به ایو آختارور تاپا خوابگه سکینه نی
ایتدی نظاره بیر به بیر بامه قنادی قانلی قوش
..
..
یعنی علیّ اکبرون باغلی اطاقین آختارور
یانمیان اول اطاقیده شمع چراغین آختارور
باجی سینه خبر ویره درد فراقین آختارور
یتمدی قارداشون دیه کامه قنادی قانلی قوش
..
..
سطح مدینه ده اوچوب چالدی قناد قنادینه
هی باخوری او نقطه نون ایولرینه سوادینه
اکبرون اول قانا باتان زلفنی سالدی یادینه
آغلادی کاکل سیه فامه قنادی قانلی قوش
..
..
فاطمه مریضه نی درد آپاروبدی تابدن
صبح زمانی اول خانم گوزلرین آچدی خوابدن
گوردیگی خوابی درک ایدوب فکرده کی کتابدن
چشمنه گورسنوب او هنگامه قنادی قانلی قوش
..
..
گوردی قویوب قنادینون آلتنا باشین آغلیور
گوزلرینون توکر یوزه دانه یاشین آغلیور
باشنه گه سَپر یرون تپراق و داشین آغلیور
بس دیه سن دوشوبدی بیر دامه قنادی قانلی قوش
..
..
گوردی صراحتاً او قوش ناله ایچینده برملا
بو سوزی اشکار ایدر قُتل الحسین بکربلا
نیلدی بلمرم همان حالیده اول ناخوش بالا
سویلدی ای دوشن بیزیم بامه قنادی قانلی قوش
..
..
سویله ندور قنادوون قانی مگر یارالیسان
ایتموسن آشیانوون ترکینی سن هارالیسان
کرب و بلادی ازبرون یوخسا که کربلالیسان
قانیله گیمیسن نیه جامه قنادی قانلی قوش
..
..
نکته دی سوزلرون هامی نکته دی پرده پرده دور
ایله گلن سن آشکار هر سوزوی نظرده دور
طایفه و ائلیم منیم چون هامسی سفرده دور
تئز سوزوی یتورسن اتمامه قنادی قانلی قوش
..
..
#حضرت_صغری #مضطر_اردبیلی #ترکی #زبدةالاشعار
نظر دهید