دُچار اولوب ئوره گیم آه و زاره نازلی گؤزل #مهدیه_امانی_اردبیلی

یا مهدی
.
زبدة الاشعار
.
: @nohe_torki
.
مرحوم حاج اسدالله امانی اردبیلی
.
دُچار اولوب ئوره گیم آه و زاره نازلی گؤزل
آخیر گؤزوم یاشی دایم عُذاره نازلی گؤزل
.
گؤزتلیرم گؤرم اول ماه گونه رخساری
قراره گَل گِئجه ، ای ماه پاره ، نازلی گؤزل
.
هاچاندی صبر ائلیوب دوزموشم بو هجرانه
نئجه دوام ائله ییم ، انتظاره نازلی گؤزل
.
قالیب بو مسئله نین شرحینه فلک حیران
نه گونده یار اولاجاق، یار، یاره ، نازلی گؤزل؟
.
نولار کی پرده دالیندان کنار ائدیب اوزونو
مثال شمس ائده سن آشکاره نازلی گؤزل
.
آماندی عاشقینی هجریده ، اسیر ائله مه
ائله نَزاروه هر دم نِظاره نازلی گؤزل
.
گؤزوم یاشیندا سؤزم وار ، دئدیم اشاره ایلن
اورک ندندیر اولور پاره پاره نازلی گؤزل
.
واریم سنیندی یوخوم یوخدی ، یوخسا ائیلردیم
فدا سنه ، ائله یَن گون اشاره نازلی گؤزل
.
امانیم ، گؤروسن صبر و طاقتیم آزالیب
ئوزوندن ایسته ییرم راه چاره ، نازلی گوزل
.
#مهدیه
#دچار_اولوب_ئوره_گیم_آه_و_زاره_نازلی_گؤزل
#امانی_اردبیلی
#ترکی
.
#زبدةالاشعار
.
: @nohe_torki