در شهادت حضرت امیرالمؤمنین علیه السلام
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور … 8 سبک
مشابه
.
ابوالفضل عباسی معروفان اهری ( معروف )
.
علی ترک ائتدی دنیانی
باشیندا یاره یا الله
بو غمده عرش و فرش اوسته
چکیلدی قاره یا الله
.
.
.
دیار کوفه دن نور ولا گئتدی صفا گئتدی
زمانه بیلمدی قدرین غریبِ آشنا گئتدی
دئدی چاهیله ئوز دردون علی المرتضی گئتدی
که یعنی تاپمادی محرم نهان اسراره یا الله
.
.
او شه که دایم ایتامین باشیندان فکرین آتمازدی
گوزون راحت یوموب صبحه کیمین بسترده یاتمازدی
ائدردی سائله حرمت دم درده یوباتمازدی
اولوبدور رشته فیض وصالی پاره یاالله
.
.
سعادتنامه سین یازدی آقام حیدر سعید اولدی
دوشوب سس باد غم اسدی شه خیبر شهید اولدی
زبس مولا فراقینده غم و محنت شدید اولدی
ملکلر واعلی یازدی در و دیواره یا الله
.
.
قورولدی مجلس ماتم علی اول شاه مردانه
سرای بیت الاحزانی دوباره اولدی غمخانه
خیانتله سونن شمعین یانار هجرینده پروانه
دوا یوخدور غم یاره تاپیلماز چاره یا الله
.
.
او بزم حزن و اندوهه گلن آغلار گئدن آغلار
آخار گوزدن سرشک غم ئورک غرق محن آغلار
دییر زینب بابام لایلای حسین آغلار حسن آغلار
یتیملر بوینی چیگنینده قالوب آواره یا الله
.
.
.
#حیدریه_شهادت
#علی_ترک_ائتدی_دنیانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید