دیار قمدا گوزه جلوه ی خدا گورونور #حضرت_معصومه

در مدح حضرت معصومه سلام الله علیها
.
زبدة الاشعار

?: @nohe_torki
.
مهدی عابدینی
.
دیار قمدا گوزه جلوه ی خدا گورونور
بهشتیدن گوره بیلسون اگر نما گورونور
.
آچیبدی قمدا خانیم فاطمه کرم قاپیسین
بو یرده هر کیمه هر دردیلن دوا گورونور
.
حریمی طعنه ویرار جَنّته گوزللیقدا
خدا بیلور کی نه اندازه دلربا گورونور
.
بقیعیدن قَییدن تیز گلور زیارتینه
ضریحه باخدیقیجان خیرة النّسا گورونور
.
تخیّل عالمی گلدسته سین آلین نظره
نقدری حالتی زیبا و باصفا گورونور
.
خانیم الین ایله بیل قوزویوب سمایه طرف
گیجه گونوز دیه سن حالتی دعا گورونور
.
دوروب به رسم ادب درگهینده خادملر
گوز ایشلدیکجه بو درگاهیده گدا گورونور
.
دیولَّه اوچ قاپیسی جنتین بو یردندی
نه شأنیدور کی بو تُپراقدا برملا گورونور
.
رواق و صحنی ویرر قلبه اوزگه آرامش
باخاندا گنبدینه مشهدالرضا گورونور
.
اگر زیارتینه نائل اولسا هر کیمسه
سوروشسون آگه ایدر حاجتی روا گورونور
.
یاخین اولاندا ضریحه گلور شمیم بهشت
زیارت ایتماقا دل لردی مبتلا گورونور

.
#حضرت_معصومه_مدح
#دیار_قمدا_گوزه_جلوه_خدا_گورونور
#مهدی_عابدینی
#ترکی
.
#زبدةالاشعار

?: @nohe_torki