دینیمون یولوندا من ایتمیشم دینیمی ادا گلمیشم حسین #اربعین_سائل_مراغه_ای

اربعین
..
..
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
..
..
..
سعید تیموری (سائل مراغه ای)
..
..
..
..
..
دینیمون یولوندا من ایتمیشم
دینیمی ادا گلمیشم حسین
یدّی قارداشین باشدا قاره سی
دیلده دوا اخا گلمیشم حسین
..
..
..
..
..
خوش او گون کی باهم مدینه دن
کربلایه گلدیق جلالیلن
کوچ ایدن زمان قتلگاهیدن
گئتمیشم ولی چوخ ملالیلن
زائر اولموشام اربعین گونی
قبرون اوسته اما بو حالیلن
گور نه غم چکیب گورمیشم نلر
گئتمیشم هارا گلمیشم حسین
..
..
..
..
..
چوخ بلا گلیب باشیمه منیم
بیر به بیر سنه قوی بیان ائدیم
غارتی دیوم کوفه دن دیوم
ظلم اهل شامی عیان ائديم
نیلی قوللاری گوستریم سنه
قمچی یئرلرین یا نهان ائديم
سندن آیریلان گوندن اولموشام
درده مبتلا گلمیشم حسین
..
..
..
..
..
قامتی اوجا قوللاری اوزون
بیر مه منیر آختاریر گوزوم
بیلمیرم ندن سؤیله جک آدین
قالمیور داخی قلبده دوزوم
یوز قویام گرک نهر علقمه
واردی چون ابوالفضلیله سوزوم
زینبین گوروم پس ندن آتوب
صاحب لوا گلمیشم حسین
..
..
..
..
..
باخ رباب دل خسته آغلیور
گور نئجه دل بی قراری وار
نیله سین اونون غنچه سی سولوب
قلبیده غم بی شماری وار
قانلی قنداقی قویمیور یئره
فکر ائدیر گینه شیرخواری وار
یوللاری ربابیله اولموشام
دیلده هم نوا گلمیشم حسین
..
..
..
..
..
بیر جوانی الدن گیدن آنا
دیلده اکبریم اکبریم دیور
یوز قویوبدی پائین پاییوه
بوردا وار گل پرپریم دیور
یادیمه گیچن گونلریم دوشور
ئولدورور بو نسگیل لریم دیور
لیلی یه انیس اولموشام ائدیب
عهديمه وفا گلمیشم حسین
..
..
..
..
..
شامده رقیه ن ویریبدی جان
اهل بیتیوی باغری قان ائدیب
غصّه سی ایله قلبیمی سیخوب
اشکیمی گوزیمدن روان ائدیب
یورقون اولماقی قویمادی گله
قدّیمی فراقی کمان ائدیب
بیر خرابه یرده رقیّه وه
دوتموشام عزا گلمیشم حسین
..
..
..
..
..
گوردی اوندا کی باشیوی قیزون
بیر سنه باخيب بير منه باخيب
بیله محنته تاب ایدنمیوب
قاره گوزلری ناگهان آخیب
سون نفسده نیسگیللی باخماقی
اهل بیتیوی یاندیریب یاخیب
زینبین ده قلبین کباب ائدیب
بئیله ماجرا گلمیشم حسین
..
..
..
..
..
بزم غم قوروب اربعینیوه
ایندی بیر «رثا» آدلی انجمن
عاشقان شهر مراغه نی
ایلیوب گینه غرقه ی محن
اوردا واردی عشاقون ایچره بیر
«سائل»ون کیمی نوحه وی دیین
اهل عشقیوین دردینه اوزوم
ائتماقا دوا گلمیشم حسین
..
..
..
..
..