دین اوسته کربلاده قربان اولان حسین وای #ورود_محرم_تابع_تبریزی

ورود ماه محرم
.
.
#سبک_احوالیمیز_یاماندی
سبکهای مشابه
.
.
مرحوم تابع دین
.
.
دین اوسته کربلاده قربان اولان حسین وای
گول تک وجودی یرده خندان اولان حسین وای
.
جنّ و بشر بو آیدا ماتم دوتوب حسینه
سویلر بو آیدا هر آن افلاکیان حسین وای
.
یاسه باتوب پیمبر آغلار بتول اطهر
سویلر وجودی یکسر شان شان اولان حسین وای
.
آغلار دیر پیمبر ای گوزلریم ضیاسی
کیم ایلیوبدی جسمون تیره نشان حسین وای
.
زهرا گلر نوایه نی تک سیزیلدار آغلار
ورد ایلیوب بو آیدا عطشان قالان حسین وای
.
عصرین امامی آغلار اشگین توکر عذاره
سویلر بو آیداغسلی آلقان اولان حسین وای
.
شیعه گلوب نوایه باتمیش بو آی عزایه
ورد ایلیوب بو آیدا اسلامیان حسین وای
.
مظلوم ئولن حسینه عالم سراسر آغلار
سویلر بو آیداهر آن بو شیعیان حسین وای
.
وار تابع دینون چون باشندا شور عشقی
اولموش اونا بو آیدا ورد زبان حسین وای
.
.
.
#ورود_محرم #تابع_تبریزی #ترکی #زبدةالاشعار