شاہ حجاز سویلدی جان ای جوان اوغول #اکبریه_حقیر_خویی

زبانحال حضرت امام حسین (ع) بر بالین فرزند (ع)
.
.
مرحوم حقیر خوئی
.
.
شاہ حجاز سویلدی جان ای جوان اوغول
گلدیم اماندی ای منی یالقوز قویان اوغول
.
یتجک شتابیله اوزون آتدان سالوب یره
قان ایچره گوردی جان ویروری مهربان اوغول
.
باشین آلوب دیز اوسته چکوب آه آغلادی
ویران اولیدی کاش بو دور زمان اوغول
.
واحسرتا یخوبلا یره سرو قامتین
اولدی سنی گورن کیمی قدّیم کمان اوغول
.
گلمور حسابه یاره، بدن پاره پاره دور
از بس وروبلا خنجر و تیر و سنان اوغول
.
باشدان ایاقه گول بدنون ایلیوبدیلر
تیر کمانه فرقۀ عدوان نشان اوغول
.
باشون قلجلیوبلا على باشی تک نه چوخ
بی رحم و بی مروّتمیش کوفیان اوغول
.
از بس وروبلا یاره یارا اوسته جسمیوه
گلمور داخی حیاتیوه بیر دم گمان اوغول
.
آچ گوزلرون گلوب باشون اوسته غریب آنان
ناز ایلمه گوز آچ یوخودان بیر اویان اوغول
.
کلاً تیکوبدولر یولا گوز منتظر دولر
اهل حرم، سکینه و لیلا آنان اوغول
.
بلمم نه نوع صبر ایده جکدور غریب آنان
گورسه اولوب بو کاکلون آغشته قان اوغول
.
هانسی جوان سنون کیمی کامه یتشمه میش
حسرتله قان ایچینده ویروب تشنه جان اوغول
.
یوخ منده تاب حال قیامه اولوب ز بس
قان چشمه تک بو زخملریندن روان اوغول
.
حمله ایده لّه أوستومه هر سمتدن بو قوم
اللرده، تیغ و خنجر و تیر و سنان اوغول
.
ایمدی منیمده قانیمی میدان آرا توکر
ظلم و ستمله خولی و شمر و سنان اوغول
.
ایله «حقیر» صبح و مسا ورد و ذکریوی
گلدیم اماندی ای منی یالقوز قویان اوغول
.
.
.
#اکبریه #حقیر_خویی #اکبریه_شهادت #ترکی #زبدةالاشعار