در توصیف نهضت خونین اباعبدالله واشاره به مصائب #قتلگاه
.
.
محمد وهابزاده (عیّار اردبیلی)
.
.
دیوانه ائدن جمله مُحبّانی حسیندور
زنجیره چکن ظلمیله عصیانی حسیندور
محبوبترین بندهء سبحانی حسیندور
شک ایلمه بو سوز یازیلوب عرش سماده
اِحیا ائلدی دینی حسین کرب و بلاده
.
.
عالَم نقَدر واردی بدهکارِ حسیندی
قران هاموسی آیهء ایثارِ حسیندی
سرنیزه ده قرآن اوخوماق کارِ حسیندی
پاینده دی گر دین محمّد بودور علّت
دوغراندی حسین گورمییه تا شیعه سی ذِلّت
.
.
روز عاشور ائلیوب جملهء هیهاتی اَدا
قاندا شمشیری بوغوب ظلمی ائدوبدور رسوا
بالاسین اوخ قباقیندا ائلیوب حقه فدا
احسن دئدی جانان بو حسینه اوزماندا
گودالی بَزنمیشدی دُولی قرمزی قاندا
.
.
افکار پریشان یتیشوب ظّن و گمانه
وار میلی قلم سِیر ائلیه بحث کمانه
اوخ قوس کماندا یتیروب حُلقَ نشانه
ذرّات جهان اَل اَله وئردی دوشه شورش
بیر زهریلی اوخ زوزه کشان ایلدی جنبش
.
.
اوچ اوخ اوتوروب جعبهء عفریت خطرده
اَولکی دگوب حضرت سقایه بصرده
دومکینی سال حنجر اصغرده نظرده
اوچمینجی سالوب محورِ کیهانیده اخلال
گویا که یاروب سینهء شاهنشهی چنگال
.
.
اوچ شعبه اوخین زخمینی سانما بئله آسان
فکر ائتمه طبیب ایلیه جک یاره نی درمان
دالدان چیخوب اوخ اولدی ولی کعبه نمایان
قلبینده علی اکبری نین داغی گوروندی
آتدی قدمین جانبِ مقتلده سوروندی
.
.
تا دوشدی او دَم حضرت بی مثل سجوده
صف چکدی ملائک باخالار کشف و شهوده
لبلر دئدی عشق است عدَم دوندی وجوده
الله فتبارک سَنَدین اوردا یاراتدی
بیلدی باخور عشقی یوزونی قانه بویاتدی
.
.
دونمیشدی هوا کورۀ آهنگره بنذر
اوخلار اوتوروب عرشۀ اقدسده مکرر
لبلرده ائدور زمزمۀ خالقِ اکبر
قاموس حسین است که سر هست مزاحم
خنجر به کف قاتل او گشته مراحم
.
.
#حسینیه_مدح #حسینیه
#حسینیه_شهادت
#دیوانه_ائدن_جمله_محبانی_حسیندور
#محمد_وهابزاده
#ترکی
#زبدةالاشعار
نظر دهید