یا مهدی
.
زبدة الاشعار
.
: @nohe_torki
.
کربلایی فخرالدین اسکندری(جائد زنجانی )
.
دیولّه گلسون امام زمان نجه گلسون
دگول بو دهر، محل امان نجه گلسون
.
به نام عاشق مهدی گیجه گونوز یانوروخ
اورکده بغضیله کینه نهان نجه گلسون
.
بشر تنزّل ایدوب قالدی سیر عرفاندان
اولوبدی فتنه جهاندا عیان نجه گلسون
.
جفا و ظلم بشردن ایدور فغان یر گوگ
گلوبدی تنگه زمین و زمان نجه گلسون
.
مُحبّ شیر خدا آدلارون ایدولّه بیان
دیوم صحیح دگول نطقیله بیان نجه گلسون
.
نمازه منکر اولوب ترک ایدوبدیلر صومی
عزیزیم عرضیمی باری اینان نجه گلسون
.
بصیرتیله نظر سال بو فانی دهر ایچره
ربا ییور چوخی از این و آن نجه گلسون
.
ربا اشدّی زنادن بویوردی پیغمبر
ولیکی یوخدی سوزه بیر باخان نجه گلسون
.
ربا یینلر آلور سانکی قان دامارلاردان
بوقدری ظلمه او عرش آستان نجه گلسون
.
چوخی حجابی قویور زیر پای غفلتده
ایدوب بو مسئله قدّین کمان نجه گلسون
.
بویوردی فاطمه زینتدی عورته عفّت
بو دُرّی تک سوزی یوخدور آلان نجه گلسون
.
مقام والدینی قویور بعضی زیر پایینده
ثبوتیدور یوخ عزیزیم گمان نجه گلسون
.
بو متنیده قلمیم یازسا نچّه مین صفحه
محالیدور باشا چیخسون بیان نجه گلسون
.
گَرَک دییم قلما یاز بو واژه نی بسدی
بو قدری فتنیه صاحب زمان نجه گلسون
.
.
.
امیدیوی ولی سن کسمه نا امید اولما
امید رشته سینی دوت بولوط کیمی دولما
.
.
.
یقیندی عاشق صادق شه زمان گله جاق
باش اوسته پرچم حق صاحب الزمان گله جاق
.
نقدری قان توکولوب دهر ایچینده نا حقدن
محالیدور که باتا حتمی قان آلان گله جاق
.
بلینده تیغ دودم مرتضی علی بالاسی
جهانی پاک ایلسون مهدی زمان گله جاق
.
آناسی فاطمه چوخ گوزلیور اونون یولونی
دیسون اورک سوزونی یوسف جنان گله
جاق
قوراندا کرسی عدلی شه زمین و زمان
او دادگاهه هامی یاخچی یا یامان گله جاق
.
محاکمه اولونار غاصبان حق علی
گوره لّه فاطمه نی دیلده الامان گله جاق
.
چکلّه دادگاهه هامی طاغیان دورانی
به حکم داودی اُول جان جاودان گله جاق
.
گوتور دعایه الون عاشقانه ایله دعا
دینن اللهی عزیز جهان هاچان گله جاق
.
گلر او گونکی دوتار عالمی جفا و فتن
او حینده دادرس کل عاشقان گله جاق
.
اگر مین ایلده کیچه عمر پاک مهدیدن
گلنده حضرت صاحب زمان جوان گله جاق
.
خوش اُول بو مژده دن ای عاشق رخ مهدی
بو گون ویا که سحر ظلم ایوین یخان گله جاق
.
ولیکی گلماقینون وقتینی بیلن یوخدی
به حکم حضرت خلاق لا مکان گله جاق
.
یازاندا #جائد ئوزون کلبیدنده کمتر یاز
بو درگهه نیه ؟چون عیسیِ زمان گله جاق
.
اگر حساب اولاسان کَلبِ آستان ولا
مقام فوق شهی شآنیوه اینان گله جاق
.
#دیوله_گلسون_امام_زمان_نجه_گلسون
.
.
: @nohe_torki
نظر دهید