راهب چیخوب حق اوسته منیم جانیم حسینم #دیر_راهب_معزی_اردبیلی

دیر راهب
سوال و جواب راهب با امام حسین علیه السلام
.
زبدة الاشعار
.
?: @nohe_torki
.
معزی اردبیلی
.
جواب و زبانحال امام حسین علیه السلام
.
راهب چیخوب حق اوسته منیم جانیم حسینم
اوز دینیمه خاطر توکولوب قانیم حسینم
.
.
جدّیمدی تانی حضرت پیغمبر خاتم
مصباح هدی نور خدا فلک نجاتم
جنّتده ورولمیش آدیما پرچم ماتم
طاها اوزودور پیده سی گریانم حسینم
.
.
کیفیت مرگیم سنه گر اولماسا معلوم
اظهار ایدورم کی اَنَا مَقْتُول اَنَا مَظْلُوم
راهب اَنَا عَطْشان اَنَا مَهْمُومْ اَنَا مَغمُوم
گوداله دوشوب پیکر عریانیم حسینم
.
.
آلمشدی عصا بیر اله موسائیدی راهب
گلمیشدی منه دم ویره عیسائیدی راهب
پهلوده قالان بیر الی زهرائیدی راهب
اللرده ئولوب مفخر نسوانیم حسینم
.
.
امضاء کی وئروبسن شهدا باشیدی باشلار
سر نیزده محکم ورولوب کوفه ده داشلار
اول گئجه لیک آی کیمیدی تیره لی قاشلار
جانین ویروب اسلامه شهیدانیم حسینم
.
.
آزاده منم قید عدودن اوزاق اولدوم
پس قانلی بیابانیده پوزقون تفاق اولدوم
دیرونده سنون بیر گئجه گلدیم قوناق اولدوم
اولدی صلحا فرقه سی مهمانیم حسینم
.
.
مهمانوی گوردون واریدی کول دوداقندا
یر ویرمدی خولی منه ایوده اطاقندا
قالدوم گجه نون چاقی تنورون بوجاقندا
کول اوسته اولوب شام غریبانیم حسینم
.
.
حاضر ائده سن عطر و گلابی قاباقیمدا
ضربه وروب اعدا نئچه یول غملی چاقیمدا
آهسته یووارسان یارا واردور دوداقیمدا
چوبه هدف اولدی لب ودندانیم حسینم
.
.
صندوقیده گتدون منی شخصیتون آرتدی
سس گلدی محبت ایلدون عزتون آرتدی
عیسی نون حضورینده سنون حرمتون آرتدی
وار قلبیده کی دردوه درمانیم حسینم
.
.
صحرای بلاده یارالی-اولدی نمازیم
باشلاندی خداونده او گون راز و نیازیم
قربان کیمی راهب کسیلوب تشنه بوغازیم
پایانه چاتوب شرطیلی پیمانیم حسینم
.
.
اشعارینه دنیاده «معزی» نمک ایستر
گوهر بیلوب هر بیتینی گورسون محک ایستر
مندن اوزونه روز ازلدن کمک ایستر
آخر ویریلر خلعت الوانیم حسینم
.
.
#سبک_ای_باد_صبا … بیش از 7 سبک
.
.
.
متن سوال و زبانحال راهب در هشتک زیر
#دیریمده_اولوبسان_منه_مهمان_آقا_کیمسن
.
.
.
#دیر_راهب
#راهب_چیخوب_حق_اوسته_منیم_جانیم_حسینم
#معزی_اردبیلی
#ترکی
.
#زبدةالاشعار
.
?: @nohe_torki