دیر راهب
.
✍️ زبدة الاشعار ✍️
.
?: @nohe_torki
.
محمد هدایتی تبریزی
.
گویول قیامته جن غم اساسی وار آقامین
دوشوب بلایه باشی ابتلاسی وار آقامین
.
بلا دیارینه ارزش ویریب قانیله او شه
صفا دیاری ایدیب چون صفاسی وار آقامین
.
دیار کرب و بلانی دیار عشق ائلییب
قانندا چون اثر کیمیاسی وار آقامین
.
نه کیمیا ؟ بو نه سوزدور گلیر منیم دلیمه
بو دور صحیحی که خون خداسی وار آقامین
.
او قان بهشت ائلییب ، شوره یردی کرب و بلا
بهشت دن ده صفالی بناسی وار آقامین
.
گلر زیارتنه انس و جنّ و فوج ملک
قوناقه حرمت و لطف و عطاسی وار آقامین
.
غریب دور ولی ، والله کمک ایدن یوخودی
کمک گزیر گینه هل من صداسی وار آقامین
.
دیلینده چوخدی دئیَن یا حسین فداکَ ابی
عملده کوفی لره تای قواسی وار آقامین
.
هانی حبیبه تای ، آلسین اَله حسین علمین
نچه زهیر کیمی با وفاسی وار آقامین
.
محالدور علی اکبر کیمی جوان تاپیلا
شبیه ختم رسالت بلاسی وار آقامین
.
مثالی ملک عربده تاپلماز عبّاسین
لبنده ذکر فداک اخاسی وار آقامین
.
هایاندا قاسمه تای وار دئیه عسل دی ئولوم
صفای اهل وفا جانفداسی وار آقامین
.
مثالی اصغرین اولماز کی تیره خنده وورا
رضای حقّه نقدری رضاسی وار آقامین
.
هایاندا واردی بریره مثل گوله ئولومه
نقدری عاشق بی ادّعاسی وار آقامین
.
قره غلامینه ده گورمورم عدیل و بدل
ارادتی اولانا اعتلاسی وار آقامین
.
و یا سیوف خذینی دئیَن مگر تاپیلار
شعار عشقدی بو ، خوش نواسی وار آقامین
.
یارالی پیکری یرده باشی جدایه چخیب
جداده گوردولر آی تک نماسی وار آقامین
.
یارالی باشی باخیر اهل بیتی غارت اولور
گورون نجه غم بی انتهاسی وار آقامین
.
عزیزه قزلاری وحشت زده چوله قاچیری
دئیم نه نوعی کی سوزان سراسی وار آقامین
.
یانان چادردا قالانلار دیری دیری یانیری
عجب یانقلی آغیر ماجراسی وار آقامین
.
حرم اسارته گیتدی سویولدی عورت اوشاق
نچه اود ایچره یانان آشناسی وار آقامین
.
بالالاری هله ویلان قاچیر بیاباندا
رواندی کوفیه باش ، اوردا یاسی وار آقامین
.
تنور خانه ده بیر دسته یاسنه گله جاق
الی ئورکده عزالی آناسی وار آقامین
.
خراب اولیدی خدا خولینین خرابه ایوی
نجه دئیم کوله باتمش لقاسی وار آقامین
.
گئنه جداده یری خوشدی منبری اوجادی
لبنده ذکر دعا و ثناسی وار آقامین
.
اوخوردی نیزه نین اوستونده آیهء کهفی
جداده دهره صدای رسایی وار آقامین
.
ایدردی دینه هدایت مسیرده خلقی
مرض شرک و نفاقه دواسی وار آقامین
.
یارالی باشی گزیب یولدا چاتدی بیر دیره
گوروبدی راهبی خوش انجلاسی وار آقامین
.
سوروشدو کیمدی بو باش صاحبی نه اوسته ئولوب
جواب ویردی او کی اشقیاسی وار آقامین
.
علی عزیزی حسیندور بتوله سینه گلی
نجه معرّف پست و دناسی وار آقامین
.
دیدی پیمبریزین اوغلودور باشی کسلیب
دیدیله بلی ، نبی باغنه خزان اسلیب
.
دیدی ویرین یارالی باشنی سیزی تاری
منیله بو گجه نی دیرده قالا باری
.
اولان دراهمین اون مین او قوم شرّه ویریب
آلیب یارالی باشی گلدی دیرنه ساری
.
یانا یانا یودی توز تپراقین اول او باشین
معطّر ایتدی سورا راءس شاه اطهاری
.
باخیب یارالارینا توکدی گوز یاشین یوزونه
او رأس اطهریله باشلیبدی گفتاره
.
دیدی یارالی قسم اللها دانش منیله
سنه اولوبدی بو قدری بو قومون آزاری
.
دوشوب بلایه باشین چوخ بلاسی وار باشوین
عجب دگل ؟ کی اولور ایندی ده قانین جاری
.
دوداقلارنداکی بو یاره اوخشور اوخ یرینه
بو سجده گهده ده وار سنگسارین آثاری
.
دانش گوروم نه گناه اوسته ئولدروبله سنی
توکوبدی قانوی بو ادعیانین انصاری
.
بو کول نجه کولودی دوتموشیدی یوز گوزووی
کیمین اولوب سنیله بیله پست رفتاری
.
مقام شامخوی بیلمییب بو اهل جفا
خدا هلاک ایده بو قوم دون و غدّاری
.
بو باشوین باشنا گورموشم ملک دولانیر
پیمبرین باشنا وار بو باشین اوخشاری
.
منیم بو دیریم هارا ، گردش ملائک هارا
طواف ایدردی ملائک بو راءس خونباری
.
بئله خیال ایدیرم ناحق ئولدوروبله سنی
نهان ایدیر بو جماعت صحیح اخباری
.
بو باش مزار ملائک دی وای اولا بولارا
دانش حقیقته اولسون بو باشین اقراری
.
یارالی باش دله گلدی بیان ایدیب راهب
آتام علی دی کی یخدی یوز اوسته بت لاری
.
پیمبرین قزی زهرا شفیعهء محشر
منیم آنامدی پوزولدی ستمله پرکاری
.
پیمبر اوغلی شبیرم عزیز زهرایم
جنان جوانلارنین سر دبیر و سالاری
.
حسین منی انا من حسین بویوردی بابام
غلط گئدیب بو دغل باز قومون افکاری
.
منم کی قنداقمی عرشه جبرئیل آپاریب
منم کی باب حوائجدی باب و درباری
.
منیله بیعت ایدیب کوفه اهلی دعوت ایدیب
یاغش تک اوستومه توکدی و لیکن اوخلاری
.
پیمبر اشبهی اکبر بالامی دوغرادیلار
گوروم خجالت اولا بو گروه خونخواری
.
سپاه کینه علمداریمی شهید ایلدی
سو مشکین حفظ ایلدی تا واریدی قوِلاری
.
الیمده اوخلادیلار سود امر سوسوز بالامی
بیچیب بوغازنی اوخ آخدی تپراقا ثاری
.
گوزوم باخا باخا اود وردولار خیم یاندی
کی آلدی آتش نمرود آرایه بیماری
.
گوزوم باخاردی جدا اوسته اهل بیته طرف
سویاردی اهل جفا شدّتیله قزلاری
.
منم کی باشی گیدیر شام امیرنه تحفه
منم کی گون کیمی آلمش آرایه اقماری
.
شفاعت ایلیرم شرطی وار مسلمان اول
شهادتینه اولوب پیر دیرین اظهاری
.
یوزون قویوب یوزونه یاندی آغلادی دیدی جان
گه ئوپدی لبلری گه بوسه ایتدی رخساری
.
دیدی شهادتمه شاهد اول مسلمانم
قیامتین گونی قورتار ئوزون بو دلزاری
.
یارالی باشوه قربان توجه ایدسن اگر
(هدایتین ) گل آچار دفتر درر باری
.
#حسینیه_مدح
#دیر_راهب
#گویول_قیامته_جن_غم_اساسی_وار_آقامین
#هدایت_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید