صداقت اولماسا مهرو وفا نه درده دگر

پندیات
.
✍️ زبدة الاشعار ✍️
.
🆔: @nohe_torki
.
موسی آقایی اردبیلی
.
صداقت اولماسا مهرو وفا نه درده دگر
سولان گله جریان صبا نه درده دگر
.
طمع ملک جنان و هراس دوزخدن
یوز ایل عبادت ذات خدا نه درده دگر
.
جانون دوشوب خطره زیر بار ذلتده
دیلونده جمله یا لیتنا نه درده دگر
.
عملده اوخشاماسون کربلا شهیدلرینه
ایاق یالین سفر کربلا نه درده دگر
.
بو قدری شهرت و جاه و مقامه اولما حریص
بویانما رنگ ریایه ریا نه درده دگر
.
بوسوزه بیر نظر ایت کل من علیها فان
جهان فنادی دیار فنا نه درده دگر
.
ورثه نین مالینا تیکمه گوز مسلمانسان
اومال حرامدی سنه مطلقا ، نه درده دگر
.
او مالیلن هله بیر عده حجی آرزیلیور
دوشنمیور که او سعی و صفا نه درده دگر
.
هوای نفسی مهار ایتممیش یقینیم وار
زیارت حرم کبریا نه درده دگر
.
#ادب و معرفته همدم اولماسون #موسی
سوزون گر اولسا تماما طلا نه درده دگر
.
.
#پندیات
#صداقت_اولماسا_مهر_و_وفا_نه_درده_دگر
#موسی_آقایی
#ترکی
.
✍️ #زبدةالاشعار ✍️
.
🆔: @nohe_torki