رتبۀ والامقام و مرتبت زهراده دور #فاطمیه_علی_اکبری

رتبه والامقام حضرت زهرا(س)
.
.
.
علی اکبر علی اکبری اُشتبین
.
رتبۀ والامقام و مرتبت زهراده دور
زیور تقوا و عالی منزلت زهراده دور
.
مریم و سارا ایده لّه غبطه قدر و جاهینه
عزّت دنیا و شأن آخرت زهراده دور
.
احمد مختار ئوزی أمّ أبیها سسلیوب
ایده و آمال ختمی مرتبت زهراده دور
.
مرتضانون همسری ایّام غمده مونسی
قدرت قلبی ازل هم عاقبت زهراده دور
.
کیم وئروبدور زینب و کلثومه درس معرفت
معدن علم و فنون معرفت زهراده دور
.
راضی اولدی حکم حقّه هر بلایه صبر ایدوب
راضیِ حکم قضا و مَرضیّت زهراده دور
.
سورۂ کوثر اولوب نازل اونون اوصافینه
اوندان آرتوخراخ مرام و ماهیت زهراده دور
.
افتخاره باخ أولوب اون بیر امامین مادری
رُتبۀ أم الائمه اول جهت زهراده دور
.
اهل ایمانه شفاعت ایلین محشر گونی
شافع روز جزای آخرت زهراده دور
.
سنده زهرانی شفیع ائت « اکبری » اعمالیوه
وار گناهون عفو ایدر چون مغفرت زهراده دور
.
.
#فاطمیه_علی_اکبری
#فاطمیه_مدح
#رتبۀ_والا_مقام_و_مرتبت_زهراده_دور
#ترکی
.
.