زبدةالاشعار

سنی قویموشام الیمله بو گئجه مزاره زهرا #فاطمیه_محمدی_ناطق

زبانحال حضرت علی (ع) در سر مزارحضرت زهرا(س)
.
.
محسن محمدی هشترودی ( ناطقی )
.
.
سنی قویموشام الیمله بو گئجه مزاره زهرا
گؤزومون یاشی دمادم توکولور عذاره زهرا
.
.
اجل اوچی سی الیمدن سنی آز زماندا آلدی
ائویمین چراغی سوندی علی غصّه دن سارالدی
گونی گوندن آرتدی دردیم ئورگیم غمی چوخالدی
سنیلن گلیدی ای کاش علی بو دیاره زهرا
.
.
اوجادن دئسم سزادور ائویمین صفاسی گیتدی
واریدی چوخ احتیاجیم المین عصاصی گیتدی
گئینوب سفر لباسین حسنین آناسی گیتدی
یتشوبدی غم غم اوستن دلی داغداره زهرا
.
.
بلوسن آتان ئولندن دوتان اولمادی الیمدن
چمنیم صولوب جفادن چخوب اللریم گلومدن
غم ائدوب احاطه آدون دوشنی دگل دیلیمدن
منه یوخ وئرن تسلی ایلیوم نه چاره زهرا
.
.
گل و گلشن رسالت سارالیب خزانه دوندی
یئری وار دئیوم دوباره ائویمین چراغی سوندی
اولا افّ روزگاره هامی دشمنیم سؤوندی
ئوز ائوینده سالدی محنت علینی حصاره زهرا
.
.
منی بوشلاماز مصیبت نقدر داخی وارام وار
قریلوب نیاط قلبیم ئورگیمده بس یارام وار
علی کاش ئولیدی سنله هارا من گئدوم هارام وار
بو فنا جهاندا سن سیز دوشه جک فشاره زهرا
.
.
باباوا گزارش ایله غمه مبتلا علیدن
ده گیلن کناره گیتدی اولان آشنا علیدن
هامی ئوز دولاندروبدی بابا بر ملا علیدن
بیزی ظاهر ایستینلر چکلوب کناره زهرا
.
.
نجه یانمیوم بو درده کسیلوب یول اوسته چاره ن
سینوب اوندا ظلم الیله قولاقوندا گوشواره ن
غمین اوسته غم یارالدوب یخیلان زمان اشاره ن
چکوری دوشنده یاده ئورگیم شراره زهرا
.
.
منی گوردیلر آدام سیز قاپویا گلن جماعت
دورا بولمدیم دفایه عجب ائتدیلر جسارت
سینوه باتاندا میسمار سن اوچون اولوب قیامت
علی باخدی حسرتیله دم ذوالفقاره زهرا
.
.
گوزوم اشکینی فراقون ایلیوب روانه زهرا
چیخانی دگول یادیمدان محنون جوانه زهرا
سنی دویمگه او کسلر ائلدی بهانه زهرا
بلوسن اثر ائدور غم دل و دلفکاره زهرا
.
.
سفرون اولا مبارک ائدوب استخاره گیتدون
منه غملرون چتیندور یارالی مزاره گیتدون
ائده بولمدیم حمایت ئوره گونده یاره گئتدون
ائله «ناطقینی» دعوت نئچه باری باره زهرا
.
.
.
#فاطمیه_فاطمیه_شهادت #ترکی #محمدی_ناطق

متن پیشنهادی:  نوبت یتوب آل اللّهه گلدی هامو داده #اکبریه_علومی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی