زبدةالاشعار

رحلت ائدوب حضرت طاها بو گون #پیامبراسلام_احمدیان_خسروشاهی

شهادت حضرت محمد(ص)

.

✍️ #زبدةالاشعار✍️
.
🆔: @nohe_torki
.
احمدیان خسروشاهی
.
رحلت ائدوب حضرت طاها بو گون
وای بابا وای سسلوری زهرا بو گون
غم یتوب حسینه – ماه مشرقینه
ملک لر آغلار – ملک لر آغلار
.
.
بزم عزا روضه ی رضوان اولوب
اهل جنان زار و پریشان اولوب
ما خلق الله هامی گریان اولوب
آغلوری ماسوا – دلده وامصطفی
ملک لر آغلار
.
.
یاسه باتوب ناله ائدر انبیا
جنت فردوسیدی ماتم سرا
حور و ملک ایلوری نی تک نوا
قدسیان روضه خوان – غم زده حوریان
ملک لر آغلار
.
.
ترک جهان ائتدی بو گون مصطفى
عرش خداونده چکیلدی قرا
مجلس ماتم اولوب ارض و سما
دخت خیر الورا – سسلنور وای بابا
ملک لر آغلار
.
.
رحلت ائدن وقته رسول خدا
گوردی قیزی فاطمه ایلور نوا
سسلدی گل یانیمه چوخ آغلاما
فاطمه آغلاما – قلبیمی داغلاما
ملک لر آغلار
.
.
رأفت ائدوب دختر مدهوشینه
اولمادی حالی آلا آغوشینه
سویله دی بیر سؤز خانیمین گوشینه
دینمیوب شاداولوب – غمدن آزاداولوب
ملک لر آغلار
.
.
بیر نفر اصحابیدن ائتدی سؤال
مطلبی یا فاطمه قیل شرح حال
وئرمزیدی گوزده سرشكون مجال
نه بویوردی آتان – اولمور اشكون روان
ملک لر آغلار
.
.
وئردی جواب دختر خیرالانام
بیله بویوردی منه ایمدی آتام
صبر ائله دؤز ، آغلاما زهرا بالام
تئزلی دینجلورسن – یانیمه گلورسن
ملک لر آغلار
.
.
آغلادی زهرا دئدی ای وای بابا
صاق طرفینده حسن مجتبی
صول طرفینده شه کرب و بلا
باشی اوسته على – اول شه منجلی
ملک لر آغلار
.
.
قویدی حسین سینه سی اوسته الین
گورجک اولوب شیر خدا دلغمین
توکدی او دم صورته اشک ترین
سسلدی شاه دین – تئز الون چک حسین
ملک لر آغلار
.
.
گوز یاشیمی خون دله قاتما سن
آغلاما چوخ جدّوی آغلاتما سن
سینه سین ال قویما آغیرلاتما سن
گورمیسن خسته دور – ایمدی جان او سته دور
ملک لر آغلار
.
.
یا علی اولسون سنه جانلار فدا
دوشدی بو یرده یادیما کربلا
اوغلون حسین سینه ده دورد مین یارا
تشنه لب یارالی – ائلیندن آرالی
ملک لر آغلار
.
.
کاش گلیدون او زمان یا علی
شمر چیخوب سینه سینه چکمه لی
چکمه آغوردی یا حسینون الى
سینه سینده اوخلار – یاره لر سیزیلدار
ملک لر آغلار
.
.
من دئمورم سینه ده یوخ یاره سی
وار یارالی جسمده چوخ یاره سی
قلبیده اوچ شعبه لی اوخ یاره سی
قتلگهده یالقیز – کومک سیز اوغولسوز
ملک لر آغلار
.
.
احمدیان نی کیمی ایله نوا
شام و سحر ساخلا حسینه عزا
ایسته همی مکه همی کربلا
عرض قیل گدایم – درده مبتلایم
ملک لر آغلار
.
.
#پیامبراسلام_احمدیان_خسروشاهی
#پیامبراسلام_شهادت
#رحلت_ائدوب_حضرت_طاها_بو_گون
#ترکی

متن پیشنهادی:  ذبح ائدنده قاتلین ای روح ایمان باشیوی #کوچ_کربلا #سدید_هریسی

.
✍️ #زبدةالاشعار✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی