زبدةالاشعار

شمس رسالتده بو گون گورسندی آثار غروب #پیامبراسلام_عاصی_تبریزی

شهادت حضرت رسول اکرم (ص)
#گریز به شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
شمس رسالتده بو گون گورسندی آثار غروب
برج حیانون اولدوزی زهرا بساط غم قوروب
.
.
بیر پایه ده ائتدی اثر اولاد طاهایه بو غم
باش آچدیلار افغانیله یکسر خواتین حرم
بار مصیبتدن بو گون زهرانون اولدی قدّی خم
فریاد و داد و شیونی جمله جهانی دولدوررب
.
.
ساقی کوثر اگلشوب باشی آچوخ پژمرده حال
ائیله او شاهون حالینی ایلوب پریشان بو ملال
باخسان بصیرتله اونا ظاهردی حال ارتحال
گل عارضین ایلوب خزان باد مصیبت سولدوروب
.
.
بو پر اثر غم مجتبی آرامینى الدن آلوب
شاهنشه کوی وفانی آغلاماق دلدن سالوب
کلثوم ائدر داد و نوا زینب گوزی آغلار قالوب
بیتابدور الدن دوشوب از بس بوگون باشه وروب
.
.
گر چه چوخ حسرتله بوگون ختم پیمبر جان وئرور
اوز دودماینده ولی اول شاه محشر جان وئرور
اولادی اطرافین آلوب محبوب داور جان وئرور
اهل مدینه تک به تک بیر محفل ماتم قرروب
.
.
اما وئرنده جان سوسوز شاهنشه ملک حجاز
گل جسمینه از بسکه اوخ وورموشدورلار اهل مجاز
اوخدان وجود اقدسی آچموشدی پرچون شاهباز
بولمزدی یاره سوزشین محبوب محبوب القلوب
.
.
چخموشدی جسمینده زبس اوخ یاره سی اندازه دن
اولموشدی جسمی صفحۀ قرآن کیمی شیرازه دن
میل ایلینده صاق صولا اوخلار باتاردی تازه دن
نی تک سیزیلداردی بدن خونریزیدی عرق اروب
.
.
بیر بزم راز اول وقتیده ائتموشدی خلوت یاریله
تاپموشدی فرصت صحبته مشغولیدی دلداریله
آچموشدی دل درد دله یاره دل بیداریله
زائل اولوردی دمبدم گوئلوندن آلام و کروب
.
.
اول حالیله شمر دنی قویموب او سرور جان وئره
کسدی قفادن باشینی ناحق توکوب قانین یره
اسدی قرا یللر دگوب عالم تماماً بیر بیره
قطب مدار عالم ایجاد او دم ایشدن دوروب
.
.
مظلوم امامین جانینه یارب سنی وئرم قسم
من عاصیم تقصیریمه اوز لطفویله چک قلم
نار جهنمدن منی آزاد قیل ایله کرم
آگاهسن سن جانیمی دنیا اودی چوخ یاندوروب
.
.
#پیامبراسلام_عاصی_تبریزی
#پیامبراسلام_شهادت #حسینیه_شهادت
#شمس_رسالتده_بو_گون_گورسندی_آثار_غروب
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  اولسون سنه آنون فدا لایلای بالا لایلای بالا #حسینیه_رمضانی_خاکی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی