رحلت ایلیوب پیمبر عترت پیمبر آغلار #پیامبراسلام_علومی_تبریزی

شهادت حضرت رسول خدا (ص)
..
..
..
..
علومی تبریزی
..
..
..
..
رحلت ایلیوب پیمبر عترت پیمبر آغلار
باش آچوب غمینده زهرا باشی اوسته حیدر آغلار
..
..
..
..
قاره پوش اولوب سراسر بو عزاده اهل عالم
دمبدم توکور سرشگین عارضه خلیل و آدم
انبیا گلوب نوایه عرشده دوتوبلا ماتم
شیونه گوی اهلی گلمیش بو عزاده گویلر آغلار
..
..
..
..
رحلت رسول اکرم ایلیوب جهانی برهم
امّتین فغان و دادی چرخه اوج ایدر دمادم
گوئیا گنه زمانه تاپدی حالت محرّم
نی کیمی گلوب نوایه شیعه لر سراسر آغلار
..
..
..
..
بو اسفلو ماجراده جبرئیل اولوب عزادار
باغبان دین گیدوبدی غم فزا اولوبدی گلزار
قدسیان گلوب نوایه آغلاشور گروه ابرار
خاصه اهلبیت طاها چوخ اولوب مکدّر آغلار
..
..
..
..
گرد محنتیله ایندی سربسر دولوب مدینه
باش آچوب صحابه یکسر باخ فغان و شور و شینه
تسلیت ویرولّه گاهی مجتبایه گه حسینه
لیک نالۀ حسینی هر باخوب گورنلر آغلار
..
..
..
..
خاتم النّبی عزاسی کربلا دوشور خیاله
کربلا غمینده یكسر قدسیان باتوب ملاله
شیعه لر گلون اورکدن ایلیاخ حسینه ناله
چون حسینه جان وئرنده شمر الینده خنجر آغلار
..
..
..
..
چوخدی محنتی حسینون آغلا ای گوزوم مکرّر
آه او وقتدن گوز آچدی گوردی اول امام مضطر
باشی اوسته جرعتیله قاتلی او شمر کافر
بیر طرفده مادر آغلار بیر طرفده خواهر آغلار
..
..
..
..
سویلدی باجی بو یرده دورما تئز قایت خیامه
باشیوه یغ عترتیمی عجز قیلما اهل شامه
آز قالور بو چولده اَمریم ای باجی یته تمامه
ایمدی حالیمه فلک ده شورله ملکلر آغلار
..
..
..
..
ساخلا ال علومی یازما بو اسفلو ماجرانی
دامن حسیندن دوت آل برات کربلانی
آلتی گوشه لی مزارون اوسته گیت اوجات فغانی
بو حسیندور حسینه شورله پیمبر آغلار
..
..
..
..
#پیامبراسلام #علومی_تبریزی #پیامبراسلام_شهادت #ترکی #زبدةالاشعار