زینبدی فقط زینب
.
✍️ #زبدةالاشعار ✍️
.
🆔: @nohe_torki
.
محمد وهابزاده (عیّار اردبیلی)
.
ای مرکز طوفاندا طوفان یارادان زینب
ای محشر غارتده سنگرده دوران زینب
.
.
.
سن وارث حیدرسن ، سن فاطمه مظهر سن
سن حامی طفلان گریان برادر سن
سن ناجی سجاد و معصومه برابر سن
انسان نئجه انساندی سن سویله همان زینب
.
.
.
سن شکل بشر گلدون خاک بشرستانه
خالص زر تک دوشدون اُول کورۀ سوزانه
پروانه نَدی!؟ یاندون تَنّورۀ نیرانه
صبرونده قالان حیران ایوبِ زمان زینب
.
.
.
ای حیدره چوخ بنذر ای تیغ دو دم بُرّان
سن ثانی زهراسن، زهرا بجرن اصلان
جانانه مدبّر سن قرباندا سنه قربان
وئردون ایکی قربانی بی نام و نشان زینب
.
.
.
نامرد بِلادینده ترویج مرام ائتدون
کوفی صفتین ظلم و جورینده دوام ائتدون
شامین او جفا بزمین عشق اهلینه رام ائتدون
بیر سِحر حَلالین استادِ بیان زینب
.
.
.
بیر شمعه مثل یانسام عشقونده زیان سوزدی
عُمری آز اولار شمعین بیر عُمر یالان سوزدی
گر محشره جن یانسام شاید بو اولان سوزدی
عشقونده یانار (عیّار) چون جامه دران زینب
.
#زینبیه_مدح
#ای_مرکز_طوفاندا_طوفان_یارادان_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید