رحمت آیی گلدون ولی اما گنه گئتدون #رمضانیه_وداع #نادربابایی

وداع باماهِ مبارکِ رمضان
–
زبدة الاشعار
?: @nohe_torki
–
حاج نادر بابایی
–
رحمت آیی گلدون ولی اما گنه گئتدون
شور ایلموسن قلبیده برپا گنه گئتدون
–
سنله بیلوسن هرگجه لر خلوت ائدردیم
عادت منه اولمیشدی بوگویا ،گنه گئتدون
–
بیلمم گنه قسمت اولا سنله گوروشم من
آخر گجه وئردون بیزه صهبا گنه گئتدون
–
کونلومده قالان سوزلریمی سنله دانیشدیم
بیلمم هارا چاتدی سوزوم آیاگنه گئتدون
–
گوندوزلرووه گون چاتا بیلمز اونا سوزیوخ
اما گجه لر سنده دی غوغا ،گنه گئتدون
–
گزلتدون او گزلین گجه لر لیله ی قدری
درک ایلمسم وای منه ایوا گنه گئتدون
–
افسوس او سحرلر که فقط خاطره اولدی
هیچ دویمامیشام ماه دل آرا ،گنه گئتدون
–
(نادرده)سنی بدرقه ائتدی گوزی یاشلی
زنگار وران قلب اولوب احیا ،گنه گئتدون
–

#رمضانیه_وداع #رمضانیه
#رحمت_آیی_گلدون_ولی_اما_گنه_گئتدون
#نادربابایی
#ترکی
–
#زبدةالاشعار

?: @nohe_torki