زبدةالاشعار

دور من غریبی یالقوز قویما ای وفالی قارداش #عباسیه_شانی_تبریزی

زبانحال امام حسین (ع) در بالین حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
.
#سبک_سو_یوخومدی_قزلاروندان … 5 سبک
.
مرحوم شانی تبریزی
.
دور من غریبی یالقوز قویما ای وفالی قارداش
بیرده روزگاره گلمز سن کیمی وفالی قارداش
.
.
من دیمم وفا یولوندا ماسوانی گوزدن آتما
پاره پاره پیکریله خاک و خون ایچینده یاتما
توکمه گوزیاشون ولیکن مه یوزونده قانه قاتما
خون و اشکه ایتمه الوان سن او رنگ آلی قارداش
.
.
خیمیه سسون گلن تک قلبیمه شراره سالدى
قلب زینبه همان سس بیر شرر دوباره سالدى
دوردی هم سکینه نون هم اوز باشنا قاره سالدى
یغدی باشه اهل بیتی اگلشوب عزالی قارداش
.
.
قویدولار ستمله دشمن قلب ناتوانه داغون
داغ قویوب دوباره داغ اکبر جوانه داغون
ایلیوب ز بس اسفلی قامتی کمانه داغون
گوسترور قدیم نظرده صورت هلالی قارداش
.
.
قولارون دوشنده دوشدی خوفه مرتضا عیالی
گل کیمی سارالدی سولدی خردا قیزلارین جمالی
اهل بیتمون خیالی ایتدی زینبی خیالی
بولدى ال تاپالّا سنسیز کوفه نین رجالی قارداش
.
.
ایمدی خیمه لرده قارداش باش آچوب حرملر آغلار
سو دیوب یانار سوسوزلار سو یولونی گوزلر آغلار
بیرطرف دیر سکینه العطش او مضطر آغلار
بیر طرف سوسوزدان اصغر گل کیمی سارالی قارداش
.
.
بس دگل که قالمیشام بو غربت ئولکده اوغولسور
آتش فراق اکبر ایلیوب منی جگرسوز
دور بو غملی ساعتیمده باری سنده قویما یالقوز
گوروسن نجه پوزولموش قارداشون جلالی قارداش
.
.
من او بلبلم که گویا آیری دوشموشم گلمدن
تاورام جهاندا دوشمز بیرده گل آدی دلمدن
گلموری بلیم اماندی بیرجه دور پاپوش الیمدن
قدّیمی بوکوبدی سن تک قارداشین ملالی قارداش
.
.
وار یری سنون بو حالون مندن عزّ و جاه آپارسون
سختیدی غم علمدار عزّ و جاه شاه آپارسون
سنسیز اهلبیتیم آخر بس کیمه پناه آپارسون
گوز تیکوب سنه بو چولده مصطفا عیالی قارداش
.
.
بیر دییدون اشقیایه کینه دن دویون ابوالفضل
تا پر آچمییدی اوخدان بو اوجا بویون ابوالفضل
یوخ سنون قولون اولیدوخ بیرده قول بویون ابوالفضل
آندیریدوخ اهل عشقه لذّت وصالی قارداش
.
.
ای یارالی یاتما بیله قان ایچینده زحمتیله
یاره وین عذابی آرتار بو گونون حرارتیله
دور گیداخ خیامه باری یات بیر استراحتیله
کولگه یرده راحت اولسون یاره ن ای یارالی قارداش
.
.
عرض ایدوب ئولونجه هر چه ترک حرمت ایتمرم من
یاتماسام ولی بو یرده مقصدیمه یتمرم من
اولمادی سو خجلتیم وار خیمگاهه گتمرم من
سن گئدوب بو ماجرادن قیل عیالون حالی قارداش
.
.
شور عشقیله باشوندا چوخدی شورون آغلا شأنی
چوخ زماندی خدمتونده وار قصورون آغلا شأنی
دلده مژده وئر، مین اولسون بیر سرورون آغلا شأنی
عرض ایدر حسینه عباس واردی انفعالی قارداش
.
.

متن پیشنهادی:  گوهر کنز محبتدی بو یورقون آتالار #پدر #رمضانی_خاکی

#عباسیه_شانی_تبریزی
#عباسیه_شهادت
#دور_من_غریبی_یالقوز_قویما_ای_وفالی_قارداش
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی