حالات شهادت پسران حضرت زینب (س)
.
.
علومی تبریزی
.
.
فاطمه نائبه سی رهبر نسوان زینب
سرپرست حرم شاه شهیدان زینب
.
.
بو خانم ایلدی آداب وفانی زنده
نه گلوب مثلی جهانه نه گلر آینده
ساخلیوبدی آدی اسلام علمین پاینده
ایلیوب مکتب توحیدی نمایان زینب
.
.
ایل به ایل تازه لنور ذکر غم عظماسی
دیولور قارداشنون نهضت عاشوراسی
مخزن درد و بلا اولدی دل دریاسی
ایتدی قارداشنا چوخ خدمت شایان زینب
.
.
بش یاشندان بو خانم اولدی غم و محنته توش
مشعل دینی ولی قویمادی اولسون خاموش
دشمن دینه گیدوب ائتمدی هرکز کرنوش
ذلته ویرمدی تن عمرده بیر آن زینب
.
.
ایتدی پیغمبر عزاسنده ازل شور ونوا
سس سسه ویردی خانم فاطمیه صبح و مسا
آناسی گتدی الندن باشنا سالدى قرا
ساخلادی فاطمیه شام غریبان زینب
.
.
قویمادی دور فلک تا قوریه گوزیاشنی
بیر گون اولدی بو خانم باغلادی حیدر باشنی
تاپدی بیرگونده جگر داغلی حسن قارداشنی
ایلدی شام و سحر ناله و افغان زینب
.
.
کربلاده گوروب اوز قارداشنا عرصه نی تنگ
ایکی اوغلانلارینی ایلدی آمادۀ جنگ
ایستدی اولسون اوغولسوزلاریله هم آهنگ
ویردی اسلامه ایکی اوغلونی قربان زینب
.
.
محضر شاه شهیدانه گلوب همّتیله
منی عرض ایتدی سرافراز ایله بو خدمتیله
گلمیشم سیّدی درگاهیوه بو نیّتیله
اولما راضی اولا مأیوس و پریشان زینب
.
.
سنسن عالمده علی وارثی دل بند بتول
لایق محضر جانان دگی بو ایکی ملول
من درویشدن ائت بو ایکی قربانی قبول
که ایده هر ایکیسین عازم میدان زینب
.
.
عجز و الحاح ایلدی زینب او مولایه زیاد
گوستروب مدرک حسینه ایلیوب ناله و داد
قارداشندان آلوب اوغلانلارینا اذن جهاد
گوندروب عرصه ی میدانه شتابان زینب
.
.
الده شمشیر ایکی شهزاده گیدوب میدانه
حمله ور اولدولا باهم سپه دونانه
آز زماندا بویانوب هر ایکی قارداش قانه
گوندروب محضر پیغمبره مهمان زینب
.
.
دوشوب اوّلده محمد یره گل جسمی یارا
عون آلوب قارداشین آغوشه ایدوب شور و نوا
ویردی بیر اوخدا اونا اسعد بی شرم و حیا
صبرله مشگلنی ایلدی آسان زینب
.
.
آپاروب هر ایکی شهزاده نی شه خیمه لره
باخبر اولدی حرملر توکلوب دور و بره
گلمدی خیمه ده اگلشدی بنا بیر خبره
ویردی گوز یاشینه بو حالیله فرمان زینب
.
.
خیمه دن چخمادی زینب بیله فکر ایتدی یقین
گورسه اوغلانلارینون قانه باتان گل بدنین
آغلاسا اوندا اولار بلکه خجالت شه دین
گرچه مشگلدی گوروب محنت هجران زینب
.
.
اکبرین نعشی گلنده ولی چوخ ایتدی فغان
پیشوازه چخوب آلدى بالاسین ناله کنان
تسلیت ویردی حسینه دیدی صبر ایله دایان
گوره بلمز آنام اوغلی سنی گریان زینب
.
.
سن ایدنده یوزه گوز یاشوی بو نوع نثار
اؤز اؤزون ئولدورر اطفال هامو خرد کبار
سن بو احواله قالاندا داخی لیلایه نه وار
ایده جاق نهضتیوی عالمه اعلان زینب
.
.
یاز قلم فاطمه نین نائبه سی زینبدی
کربلاده هامونون دادرسی زینبدی
غم گونی قارداشینون هم نفسی زینبدی
سنه ده لطفون علومی ایدر احسان زینب
.
.
#طفلان_زینب #علومی_تبریزی #ترکی #زبدةالاشعار
نظر دهید