رمضان گلدی یئنه رنگ وجلا تاپدی اؤرک #مناجات_علی_شهودی

رمضان گلدی …
.
زبدة الاشعار
.
: @nohe_torki
.
علی شهودی
.
رمضان گلدی یئنه رنگ وجلا تاپدی اؤرک
نور ایمانیله بیر آیری صفا تاپدی اؤرک
.
اولدی چون معتکف کنج عبادت شب و روز
گوهر معرفت و گنج حیا تاپدی اؤرک
.
دوتدی چون تفرقه سیز عالم وحدتده قرار
او مَنَملیگ لری ترک ائیلدی ما تاپدی اؤرک
.
معصیت لر اونی ایتمیشدی طریقتدن اوزاق
قرب حقه یئتیشیب ارج و بها تاپدی اؤرک
.
وار یئری ائتمسه گر ملک سلیمانه نظر
بینوالیقدا عجب برگ و نوا تاپدی اؤرک
.
معرفت چشمه لری جوشدو ضمیرینده اونون
چون فنادن اوزوب ال آب بقا تاپدی اؤرک
.
سحر آخشام یوزونه ائتدی سرشگین جاری
هر نه کی تاپدی یقین صبح و مسا تاپدی اؤرک
.
قلم عفو چکیب جرمینه خلاق جهان
بند غمده ن اولوب آزاد و شفا تاپدی اؤرک
.
ای طبیبان جهان پایۀ اعجازه باخین
چاره سیز دردینه بو آیدا دوا تاپدی اؤرک
.
ائتدی چون درگه معبودینه اظهار نیاز
بی نیاز اولدی یقین اجر و جزا تاپدی اؤرک
.
.
.
#رمضانیه
#رمضان_گلدی_یئنه_رنگ_و_جلا_تاپدی_اؤرک
#ترکی
.
#زبدةالاشعار
.
: @nohe_torki