شجاعت و شهادت حضرت ابوالفضل (ع)
.
.
جعفر عباس نژاد (ظریف)
.
.
روحوون شیشه سی توش اولموش اگر غم داشنا
بیرسلام ایله حسینون اوجابوی قارداشنا
آقانین آدی گله غصه کوچه غم داشنا
باشوه شور گله عشق ئورگونده یارانا
بیله سن نیلوراوآد سینه چیه باش یارانا
.
.
سسله عباس آدین احساس تاپا یول ئورگه
داشلانا قلبده غیرت آخا قانیله رگه
سینه آماده اولا جوش و خروش ایلمگه
ایلدریملار کیمی عشقین اودی قلبونده شاخا
قلبوون قانی جوشوب اوج الیه باشدان آخا
.
.
باخمیون هیئتی لر اهل عنادین هایینا
گونوزی وقف الیون آل علینون آیینا
قوشولون قطره لریمیز دونه عشقین چایینا
داشلانیب وحدتمیزدن یاراداق اقیانوس
حسدیندن بوغولا دشمن دین وناموس
.
.
یااباالفضل دیوب شیعه گرک عشق الیه
نوجوان وقتیدی صفینه گلیب مشق الیه
آری عقل ائتمین افعالی گرک عشق الیه
دیورعشق اهلی سبب وار آدینا باب مراد
چون نماد شرف وعزت وغیرتدی اوآد
.
.
سب ائدیردی سپه حقی اوگون اهل مجاز
مرتضی جنگه ولی بیر کسی ائتموردی مجاز
دشمنین فعلی ئورکلرده اولوب محنت ساز
پلوانلار واریدی همچو اویس واشتر
لاجرم چون علی ایستوردی سکوت ایلدیلر
.
.
ناگهان گوردیله بیرنام آور یوزده نقاب
چیخدی صفدن ائلدی جانب میدانه شتاب
برق شمشیریله سب ایلینه وئردی جواب
دشمنی دوزخه گوندردی اوفرخنده شعار
قییدوب سرعتیله تاپدی گنه صفده قرار
.
.
کل تاریخده هرجنگده بو قاعده وار
لشکرین هاموسی فرماندهه فرمانبر اولار
چونکه عباس همین قاعده دن اولدی کنار
گتدیلر فورا اونی محضر مولی علیه
لغودستور دلیلین ائشیدوب حکم الیه
.
.
تامقابل شرف الناسه دوروب اشجع ناس
حیدرین ائتدی تلاطم ئورگینده احساس
بویوروب منع جدال ایلممیشدیم عباس؟
ائتدیگون امردن عرض ایلدی غافل دگولم
آزقالیردیم باباجان عرصه ده غیرتدن ئولم
.
.
سوز بورا چاتدی گرک شرح الیم معنانی
گتورم خاطروزه صحنه ی عاشورانی
بیربولوک خیردا اوشاق دوره لیوب سقانی
بیری سویلور نیه یوخدور عموجان خیمه ده سو
بیری آهسته دیور یاندیم عمو یاندیم عمو
.
.
بیرینون دیل دوداقین پارچالیوب سوز عطش
بیرینه غالب اولورضعف گلور حالت غش
بیرینون طاقتی یوخدور دیه حتی العطش
بیری حسرتله اشاره الیور لبلرینه
بیری بیر چاره تاپانمور ال آتور معجرینه
.
.
نیلدی گور گنه صفین ده کی غیرتمند
ووردی دریایه ئوزین تشنه لر اولسون خرسند
آرزو جامینی جور اهلی جالاتدی هرچند
ولی بیرصحنه یاراتدی ائدسن منظره سن
گونده مین دفعه گرک غیرته قربان دیه سن
.
.
اللریندن ال ئوزوب مشکین آلوب دندانه
اوخ دگورپیکرینه قانی آخور میدانه
قدمین اخیمه ساری گوتورور مردانه
اودی هریرده اولور هر سوزه عنوان عباس
دیوروک عشقوه ایثاروه قربان عباس
.
.
#عباسیه #جعفر_عباس_نژاد #عباسیه_شجاعت #عباسیه_شهادت #ترکی #زبدةالاشعار
نظر دهید