زبانحال امام حسین (ع) در بالین برادر
..
..
..
#سبک_ای_درد_بی_درمانلارا … 10 سبک … با اضافه کردن واگیر … #سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
..
..
مرحوم صافی تبریزی
..
..
یالقوزلادی دشمن سنی من سیز اباالفضل
بولمم داخی من نیلیوم سن سیز اباالفضل
..
..
ایمدى یقین بیلدیم الیم چخدی ائلیمدن
گلمور بیلیم بیر کیمسه یوخ دوتسون الیمدن
عباس آدی دوشسون نجه بیردن دلیمدن
بولمم داخی من نیلیوم سن سیز اباالفضل
..
..
سنسیز چوخالدی محنتیم آرتدی ملالیم
بیلدیم داغیلدی شوکتیم گیتدی جلالیم
راحت یاتانمازلار یقین بی کس عیالیم
بولمم داخی من نیلیوم سن سیز اباالفضل
..
..
دریا کیمی جوشه گلوب گوگلمده غملر
یاددان چخا مشگلدی بو بی حد ستملر
بیر حلقۀ ماتم قوروب ایمدی حرم لر
بولمم داخی من نیلیوم سن سیز اباالفضل
..
..
بیر شمعیدون بزم وصال یاره یاندون
ویردون اودور لب تشنه جان یاندون دایاندون
سنده علی اکبر کیمی قانه بویاندون
بولمم داخی من نیلیوم سن سیز اباالفضل
..
..
گلجگ سسون خیمه لره آواره زینب
آچدی باشین سالدى ساچین بیچاره زینب
ساندی سکینه باشینه بیر قاره زینب
بولمم داخی من نیلیوم سن سیز اباالفضل
..
..
هر گوز که قورخوندان سنون یاتمازدی راحت
ایمدی تاپار فرصت ایلر بیر استراحت
برپادی اهل بیتیمه بو دم قیامت
بولمم داخی من نیلیوم سن سیز اباالفضل
..
..
آلمیش سکینه دوره سین تشنه قوناقلار
نی تک سزیلدار سو دییَر خُردا اوشاقلار
سنسیز منیمده سینه می آتلار ایاقلار
بولمم داخی من نیلیوم سن سیز اباالفضل
..
..
باشون قلیجلاندی ازل باشدان اوجالدون
ئولدون خم ایتدون قدّیمی بو حاله سالدون
گیتدون آپاردون نقد جان مقصودون آلدون
بولمم داخی من نیلیوم سن سیز اباالفضل
..
..
کیملر باتوردی قانه بو گول تک جمالون
بیر گلشن فردوس اولوب رخسار آلون
آلمیش خیال شاهد غیبی خیالون
بولمم داخی من نیلیوم سن سیز اباالفضل
..
..
قان آخدى باشوندان دونوب آلقانه اشگون
مطلق یرى وار انبیا چکسونله رشگون
جاندان امیدون کسدی تا اوخلاندی مشکون
بولمم داخی من نیلیوم سن سیز اباالفضل
..
..
آرتوب صفای قلبدن «صافی» بیانی
ایلوب مبارک آدیوی ورد زبانی
بو حالتون آغلار قویار کل جهانی
بولمم داخی من نیلیوم سن سیز اباالفضل
..
..
#عباسیه #صافی_تبریزی #عباسیه_شهادت #ترکی #زبدةالاشعار
نظر دهید