راه شام
.
✍️ #زبدةالاشعار ✍️
.
🆔: @nohe_torki
.
مرحوم عابد تبریزی
.
روحیمون عکسی مصوّردی برابرده علی
گورورم نیزده جان نقشی بو منظرده علی
.
جای حیرتدی گزیر روح جدا جسم جدا
ناقه ده نیزده سرگشته بو چوللرده علی
.
گیدیرم هر یانا میل ایلیری شوریده باشون
یوخ اراده بولوسن جان مسخّرده علی
.
عارضون گون کیمی قان پرده سی مستور ایلیب
گوز یاشیله اولی زایل اولا بو پرده علی
.
نیلیوم اشک سرازیر الی چاتمور باشوا
آغلادیقجا اودی دلدن گلیرم درده علی
.
هر نوا شورینی من دلده حصاری ایدورم
قورخورام ایلیه نالم سنی آزرده علی
.
لبون اطرافینی باشوندن آخان قاندی دوتوب
لاله دور یا که ویروب باش لب کوثرده علی
.
محو ایدر هر گورنی جذبۀ حسنون دیمورم
ندی تاثیر تماشا من مضطرده علی
.
رهرو منزل عشقم سنیله همسفرم
هر بلایه دوزرم سهم مقدّرده علی
.
قونمیا گل یوزیوه شائبۀ گرد و غبار
گوز مسیرونده سپر سو یره هر یرده علی
.
بندوار الده ره عشق سفرنامه سینی
اشک گلرنگ یازار لوح رخ زرده علی
.
دیمورم گون کیمی ذرّاتیمی جذب ائتدی باشون
یوخدی بو جاذبه خورشید منوّرده علی
.
عشق ترکیب اولوب اجزاء وجودیمله منیم
ائتمیشم پردۀ دلده اونی پرورده علی
.
گذر ائتدوقجا صبا زلفیوه بو دشت و دری
غرق ایدر رایحۀ نافۀ اذفرده علی
.
یوخ خطادور دییله زلفیوه گر مشک ختا
واردی جان نکهتی بو زلف معنبرده علی
.
کعبۀ حسنوی هر چند طواف ایلیورم
اولموری حاجت دل حیف برآورده علی
.
لعل خونینه دئمم دانۀ گوهر دوزولوب
یوخدی هرگز بو صفا لعلیده گوهرده علی
.
بنزرون وار ائله طاهایه دییردی آتامیز
که گورن واله و حیراندی بو بنزرده علی
.
حسن پیغمبری بولمز رخ اکبرده گوروب
یا رخ اکبری سیمای پیمبرده علی
.
دوردن گر چه دوشوب ساغر چشمون گینه وار
باده مست ائتماقا دنیانی بو ساغرده علی
.
دامن زلفیوه حاشا یتیشه بیرده الیم
من قولی باغلی ثمر نخل تناورده علی
.
گل رخساریوی صهبای شهادت ذوقی
قویمیوب سوز عطش ایلیه پژمرده علی
.
گر چه مسموم و نفس کشدی جفا صرصری لیک
گلبن وحدتی اولماز ائده افسرده علی
.
هر علی قارداشا مین جان ائشیدردیم سندن
نولی مین قارداشا بیر جان دییه سن بیرده علی
.
باد ویردیقجا او گیسوی دلاویزیوه چنگ
نافه تک قان اولی دل غالیۀ ترده علی
.
دلخوشام باشویله درد دله واردی مجال
چرخ وارون دولانا کاش بو محورده علی
.
ایسته «عابد» تاپا توفیق طواف حرمون
قویما قلبی گله بو حسرتیله درده علی
.
ملتجی دور سنه ای کان فتوّت دلدن
قویما محتاج اولا بو مردم نامرده علی
.
.
.
#راه_شام_عابد_تبریزی
#روحیمون_عکسی_مصوردی_برابرده_علی
#ترکی
.
✍️ #زبدةالاشعار ✍️
.
🆔: @nohe_torki
نظر دهید