زبدةالاشعار

مُلک حُسنونده علی دولت بیداروه باخ #اکبریه_سیفی_اردبیلی

زبانحال ام لیلا در جدائی از فرزند
.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
مُلک حُسنونده علی دولت بیداروه باخ
چین زلفونده مُسَتَّر اولان اسراروه باخ
.
.
صالح عشاق سنون نشئه دیارونده گزر
گل سؤزین بلبل اودی عشق بهارونده گزر
سُرمه نی حور گوزی چشم خمارونده گزر
عالمی واله ائدن طلعت سرشاروه باخ
.
.
ای یوزی بدر دجا شمس ضحا نور خدا
بویی برهان کمال ازلی جلّ علا
طرّه سی حبل متین چاتما قاشی قبله نما
بارک الله اوغول حُسن سزاواروه باخ
.
.
پیکرون قدرت خلّاقیدن آیتدی سنون
صورتون آینه ی ختم رسالتدی سنون
قبله سن، گوزلروه باخماق عبادتدی سنون
بیر دایان یاندیم اوغول عاشق خونباروه باخ
.
.
آشنا گوهره بیر اولسا اگر مین یادی وار
سنه کیم باخسا دیر یوسف مصرون آدی وار
هر نگاهینده بونون مین ائله یوسف دادی وار
خبره لر ایچره گلوم گرمی بازاروه باخ
.
.
اهل دل مستی آلار طرّه ی افشانوندن
حوریلر گورسه دوتار صدقیله دامانوندن
یوسف حسرتدی ئوپه چاه زنخدانوندن
گوزلیم عالم حُسنونده خریداروه باخ
.
.
گئجه لر طاق جبینون یارادار عکس هلال
عشقوون باده سنی خالق ائدوب خلقه حلال
آدوی دورت دفعه سسلردی اذان وقتی بلال
اصله ایهام اولونان نام پر اذکاروه باخ
.
.
قاب قوسینه مُفسّردی ایکی قاره قاشون
قویما قلبیمله چخا بیر بئله پیکاره قاشون
لیلینی بنده سالوب ایلدی آواره قاشون
عشقوه جان أَریدن مونس و غمخواروه باخ
.
.
خالق ئوز ایستدیگین سنده یترمش ثمره
طلعتون تنگ ائلیوب عرصه نی شمس و قمره
تیر مژگانون ائدر کعبه ده رَمی جمره
کشور حُسنیده بیر لشگر هشیاروه باخ
.
.
فلکون طاقی سنون مسند اجلالوندور
عالم هستیه علّت سنون اقبالوندور
حجرالاسود کعبه او قرا خالوندور
دایان ای کعبۀ دل حاجت زوّاروه باخ
.
.
اُدبا مکّه منا شوکتینی سنده گورر
عُرفا مروه صفا لذّتینی سنده گورر
فقرالر طلب حاجتینی سنده گورر
اتگوندن یاپشان خیل گرفتاروه باخ
.
.
نجه مجنون تلسر تئز یتوره یارینه ال
نجه حاجیلر آتار کعبه نون آستارینه ال
زلفوون منده اوغول قوی بیر آتوم تارینه ال
دولانوم باشوه دلدار وفاداروه باخ
.
.
قیتروب سائلی بوش، قویما اورک پارچالاسون
بی وفالر روشی شأنوه حاشا یاراسون
بیر دایان قوی داغلان زلفوی لیلا داراسون
الى قوینندا قالان غملی پرستاروه باخ
.
.
قویما جُغد غم على خیمه ورا گلشنیمه
سالما هجران شررین یایما بو جان خرمنیمه
وور دوداق بیربیره سؤز قندینی ئوو دامنیمه
وئر مسیحا نفسون زنده ی گفتاروه باخ
.
.
بو نه محنتدى قدر ایلدی لیلایه نصیب
من گل اکدیم دریلن یرده قضا چخدی رقیب
ئولورم ال باشیمی سینه وه آهسته طبیب
آیرلیق نسخه می یاز رحم ائله بیماروه باخ
.
.
دئمورم صاحبه ی مال و منال ایله منی
گوزلروندن بیر ئوپوش وئر سرحال ایله منی
من صودومدن گئچرم سنده حلال ایله منی
کرم آلت وادی هجرونده که تیداروه باخ
.
.
یاشیل عمّامه که آغ صورتوه سایه وئروب
سبز یاپراقدی کانّه گُله پیرایه وئروب
کیمه مندن صورا خالق بئله سرمایه وئروب
حیف الیمدن گئدوسن هجر زیان باروه باخ
.
.
بو گئدیشده دیه سن سرویمه طوفان سؤزی وار
بو باخشدا گوزلیم لیلیه قان قان سؤزی وار
طویا من چوخ تلسردیم ولی هجران سؤزی وار
منده کی خواهش قلب و سنون اصراروه باخ
.
.
غملی پروانه کیمی هی گزرم صاق صولوی
سائلم فرض ائله من کسمشم الآن یولوی
دولا بیر گردنیمه بو سفر اوسته قولوی
ننه دئ جان ائشید اوغلوم الى بوش یاروه باخ
.
.
غم لیلانی قدر ائتدی عجب طول و دراز
نه سویوم وار سَپَم آردونجا یولا ای گل ناز
نه وار آئینه دوتام عامل اولام رسمه بیر آز
دیم اوچ دفعه دولان طلعت رخساروه باخ
.
.
ایلمه آیرلیقا ای مه تابان عجله
قاداسی گوزلروون سینه ى لیلایه گله
طول وئر صحبتوه لیلینی ترک ائتمه هله
یار، یانان قلبیمی بیر نشئه ی دیداروه باخ
.
.
عشق راهی لرینه غصه یازوب غم دئدیلر
تئز یورولدی ولى هاجر اونا زمزم دئدیلر
قوجالام آیرلیق اوسته منی مُلزَم دئدیلر
نوجوانیم قوجالان غمکش و دلداروه باخ
.
.
روح بخشنده دی اوغلوم نجه ریحان مزه سی
لبرونده واریدی چشمه ی حیوان مزه سی
دونن ئوپدوم دوداقون وئردی منه قان مزه سی
بیلمورم سرّی ندور دفتر اسراروه باخ
.
.
بیر زمان منده على بختور عالمدیم
غمون اولسیدی اگر من سپر محکمدیم
گئجه لر صبحه کیمی نالویله همدمدیم
سنه لالائی دین دایه ی بیداروه باخ
.
.
دئمورم گئتمه على غمزه لی آهسته یری
کسمه امّیدیمی بیردن یری آهسته یری
قوی سَریم معبروه زلفیمی فرش اوسته یری
مقدمونده سریلن فرش سیه تاروه باخ
.
.
ای خلیل ابن خلیلون گوزی جیران نوه سی
ائلیمون طایفه مون سُوگیسی عشق و هوسی
قوی الون صول دؤشمه باتمیا لیلا نفسی
سال کفن بوینوا گیت لذّت ایثاروه باخ
.
.
ای بو لرزان الیمون تکیه گه ایمنی گئت
بیر اولان خالقیمه تاپشورورام من سنی گئت
بیکسم سنده خانم عمه وه تاپشور منی گئت
دئنن هردم بو کنیز در و درباروه باخ
.
.
نه بلالر که منیم اولدی مقدّر باشیما
سئورار غصّه توزین قورخلى یللر باشیما
ئولمه مش سال ئوز الونله قره معجر باشیما
ایندیدن چهره ی غمگین عزاداروه باخ
.
.
.
گزدوم ایللر بوئی «سیفی» ئوزومه مونس غم
دوز دیَن یار تاپا بیلمدیم الّا بو قلم
وئرمیشم باش باشا اونلان دیرم دم همه دم
یاحسین درد دل شاعر درباروه باخ
.
.
#اکبریه_سیفی_اردبیلی
#اکبریه_شهادت
#ملک_حسنونده_علی_دولت_بیداروه_باخ
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  غم قافله سی قورتاریب امواج بلادن #آذرین_خلخال

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی