زبدةالاشعار

روز عاشورا دوروب محرابیده سلطان عشق #حسینیه_نخستین

حالات امام حسین (ع) در روز عاشورا
.
✍️ #زبدةالاشعار ✍️
.
🆔: @nohe_torki
.
مرحوم حاج مختار نخستین اردبیلی
.
.
روز عاشورا دوروب محرابیده سلطان عشق
صف چکوب دوردی نماز آخره مردان عشق
.
.
باش و جانیندن گئچن راز و نیاز اوستونده دور
اهل عیالی آغلاشور سوز و گداز اوستونده دور
اوخ یاغور باران کیمین عاشق نماز اوستونده دور
سینه سین إئتمیش سپر پامال إئدر پیکان عشق
.
.
شور عشقی شور ائدوب باشینده شور ائتمکده دور
نور حق اطرافین آلمیش کسب نور إئتمکده دور
کربلانی کربلا موساسی طور إئتمکده دور
حفظ قرآن إئتمک ایستور ناطق قرآن عشق
.
.
یاریدن ایلر تمنا مست عاشق مست یار
عرض إئدوب ای عالمی خلق ایلین پروردگار
درگه اعلایه ناچیز عاشقون بیر عرضی وار
عاشقون سنلن أزل گون باغلیوب پیمان عشق
.
.
یاره باخ صحبت ائدور عشق عالمینده یاریلن
گرم اولوب عشق عالمینده محرم اسراریلن
هر نفسده هو دیور یوخدور ایشی اغیاریلن
دردی واردور ایستیور ئوز درینه درمان عشق
.
.
صحنۀ جاناندا دوردی پاک قلب و پاک زاد
إئتمگه محکم بنای عشقی إئتدی اتحاد
عشق یاریله کفن پوشان عشق إئتسون جهاد
قانیلن رنگین اولونسون صحنۀ میدان عشق
.
.
ایسته دی پوزسون نمازین رکنینی اهل نماز
قویماسون یاران عشقی إئتمگه راز و نیاز
بیلمدى عشق عالمینده یاره بیلمز عشق باز
شهد عشقیله گرک سیراب اولا یاران عشق
.
.
بیر طرف لشگر دوروبدی طبلیلن شیپوریلن
بیر طرفده روبرو ظلمات اولوبدی نوریلن
بیر طرف عورت اوشاق گلمیش نوایه شوریلن
قورخوسیندان تیترشور اخیامیده طفلان عشق
.
.
قارداشی عبّاس آچوب شه باشی اوسته پرچمی
ایله سرمست می اولمیشدی حسین عشق عالمی
نه عیال اطفالی بیلموردی نه یار و همدمی
کایناتی گوزدن آتمیشدی او گون سلطان عشق
.
.
ایله گرما گرم دعوادور دوتوب میدانی توز
تیره إئتمیشدی شب یلدا کیمی صحرانی توز
چولقامیشدی هر طرفدن یاره لی اعضانی توز
نخل زار إئتمیش یارالی سینه نی پیکان عشق
.
.
.
#حسینیه_نخستین
#حسینیه_شهادت
#روز_عاشورا_دوروب_محرابیده_سلطان_عشق
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای پسر فاطمه سالار دین #اربعین_علومی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی