مدح حضرت امیرالمومنین علیه السلام
.
✍️ زبدة الاشعار ✍️
?: @nohe_torki
.
مرحوم شکوهی مراغه ای
.
زمان عیشدی دور ساقیا گَتور باده
بساط عشرتی گَل بیرده ایله آماده
.
اولوبدی شش جهته بزم عیش هشت بهشت
گتور شراب طهوری بو جنّت آباده
.
گوگلده قالمادی بیر ذرّه غم بحمدالله
غبار یوخدی بو آئینۀ مصفّاده
.
گینه بو بچّۀ عنقا گلوبدی پروازه
قانات چالار نجه گور فوق چرخ میناده
.
منه فراق و وصالون تفاوتی یوخدور
بهشت حوری و غلمان بو حُسن زیباده
.
دیسم جمالووا بنزر بهار محضِ خلاف
نه نسبتی بو قدرون نخل سرو شمشاده
.
سنون بو شعشعۀ پرتوِ جمالوندان
نمونه دور بو مه و مهر چرخِ خضراده
.
شعاع طلعتون ای وارث اَنَا اَملَح
اولوبدی جلوه گر اول یوسفِ زلیخاده
.
سنون جمالویدی یا علی تجلّی بخش
که اولدی موسی عمرانه طور سیناده
.
او نکهت نفسوندن که جان تاپوب عالم
نشانِ رایحه سی گورسنوب مسیحاده
.
کلیم خلقه نشان ویرمدی ید بیضا
او مهر حسنویدی کی گوروندی موساده
.
ویروبسن آدمه اسماء کلّها درسین
واروندی حق تمام انبیای عظماده
.
خلیله آتش نمرودی گلستان ایتدون
چاقوردی صدقیله چون یا علی یتیش داده
.
سنون بو حشمت و جلالووی گوردی
اودور که ویردی سلیمان بساطینی باده
.
نسیم لطفویله نوبهار خلعت سبز
ویرور صنوبر شمشاد و سروِ آزاده
.
سموم قهرویله تند باد فصل خزان
آچار تطاول الی طرف باغ و صحراده
.
همیشه مظهر فیض خدادور علی
همیشه صنع خدا گورسنور بو مولاده
.
نجه علی که اگر حکم ایتسه ارض و سما
عدم دیارینه ایلر سفر بیر ایماده
.
همان علی که گیچوب تیغی فرق مرحبدن
که کسدی هم پر جبریلی تحت غبراده
.
بغیشلیین اوزوگون سائله نماز اوسته
اولان نگین پیمبردن عرش اعلاده
.
بو نوک خامه گوتوردی گینه مدادِ ملال
که دوشدی قصّۀ جنگِ اُحُد بو دم یاده
.
آچوب لسان گهر بار بیر گون پیغمبر
بویوردی بوسوزی مدح علیِ اعلاده
.
همان علی قبل از بو که وجوده گله
مدد ویروبدی گچن انبیایه اخفاده
.
بیریسونون که (شکوهی) ،علیدی مولاسی
نه غم چکر داخی بولمم هر ایکی دنیاده
.
#حیدریه_مدح
#زمان_عیشدی_دور_ساقیا_گتور_باده
#شکوهی_مراغه_ای
#ترکی
.
✍️ #زبدةالاشعار ✍️
?: @nohe_torki
نظر دهید