زندگیده یا حسین ذکری شعاریمدور منیم #حسینیه_حضرتی_ناعمی

انتظاریمدور منیم
..
..
..
حضرتی (ناعمی)
..
..
..
زندگیده یا حسین ذکری شعاریمدور منیم
بزم یاسی حضرتین، باغ بهاریمدور منیم
..
گؤز آچاندان اولموشام دلبند زهرایه غلام
من اونا نوکر او شاه تاجداریمدور منیم
..
نه مقامیم وار نه ده مال و منالیم دهریده
زادۀ زهرا ولی شان و وقاریمدور منیم
..
من بو سلطانین یولوندا عمرومی وقف ائتمیشم
خدمت ائتماق عادت لیل و نهاریمدور منیم
..
اگنیمه قاره گئیوب، سوگینده سینه داغلارام
روز ازّلدن بئله رسم و قراریمدور منیم
..
گلجاقین آدی گؤزوم یاشی آخار رخساریمه
عشقیمه برهان همین بو اشک جاریمدور منیم
..
آز منه ایله شماتت مدّعی بسدور اوتان
نوکر اولماق چون حسینه افتخاریمدور منیم
..
چوخ اشیتدیم سوز بو سودادن ولی ال چکمدیم
حب شاه کربلا دار و نداریمدور منیم
..
قلبیمی دوندردیلر قانه حسینیم وای دئدیم
شاهدیم بو سوزده آه پرشراریمدور منیم
..
دادمیشام دائم دوزون، لطف و عطاسین گورموشم
مهربان شاهیم، کرملی شهریاریمدور منیم
..
من کیمم؟ کی ایلییر حرمت منه اهل ولا
عشق سالار شهیدان اعتباریمدور منیم
..
(( لوح دلده یازمیشام مظلوم حسین مرثیه سین
نهضة السادات ایکیمجی یادگاریمدور منیم ))
..
باشلارام نوحه، گئجه گوندوز حسین وای سسلرم
آغلاماقدان دویمارام اشکیم عیاریمدور منیم
..
قلب ائوینده هیچ یوخومدورحسرت بیتاً لبیت
بیر باخیش شهلا گوزوندن انتظاریمدور منیم
..
گر قبول ائتسه آقام بیر خطّیمی، بسدور منه
ایکی دنیاده دلیل اشتهاریمدور منیم
..
قبر ائوینده گؤزلرم مولا گله بالینیمه
اول قرانلوق ائو کی بیت الاضطراریمدور منیم
..
گلسه بیر یول باشیم اوسته دلده قالماز نسگیلیم
مقدمین اؤپسم خزان چاقی بهاریمدور منیم
..
غم یئمه قلبونده گر حبّ الحسین واردور «حبیب»
کربلا سلطانی سسله غم گساریمدور منیم
..
..
..
#حسینیه #حضرتی_ناعمی #حسینیه_مدح #ترکی #زبدةالاشعار