در مراتب و مدایح مولا و مناظر غارت
.
✍️ زبدة الاشعار ✍️
?: @nohe_torki
.
شاهی اردبیلی
.
مگو که هستم و منّت بر وجودم من
اگر نبود حسینِ علی نبودم من
.
زبان من نه فقط نغمه ساز دولتِ اوست
که در مدیحتِ او مو به مو سرودم من
.
اگر به کوه بگویی حسین،هو شنوی
هزار مرتبه این گفتم و شنودم من
.
چه سال هاست که با نیِت ظهور حسین
انیس قبله ام و مونس سجودم من
.
جهود و مشرک اگر یاحسین می گویند
غلامِ مشرکم و نوکرِ جهودم من
.
به خاک معرکه دانی که او به خون چه نوشت
نوشت آینۀ حضرت ودودم من
.
منم که اول و آخر زکات حُسنِ من است
نبود آدم و خاتم ولیک بودم من
.
به گریه عاشق آتشدلی چه خوش می گقت
که ای مسیح که رازِ تو را گشودم من
.
به گوش مرده چه گفتی که زنده شد،گفتا
حسین گفتم و محشر به پا نمودم من
.
دئنن حسین ئوزوی آت یانار اودا «شاهی»
او آد یانار اودی باغ ائتمسه یهودم من
.
گونی ستایش ائدن ئوز گوزین ستایش ائدور
حسین گفتم و بر قدر خود فزودم من
.
حسین غمینده یانوب یازمیشام هزاران بیت
معطّر ایلمیشم عرش و فرشی عودم من
.
منیم گوزیم قالا خاکه حسین قویا قدمین
بو گوزی خاک ائدرم عاقبت حسودم من
.
حسین که باخدی گویه گوی دئدی سلام ای شاه
دیل آچدی سویلدی آی لا اله الا الله
.
وئرون اجازه که حکمت الین دراز الییم
آچیم مقولۀ معنانی کشف راز الییم
.
قویون که عقلی آتیم ریگزاره علمی چوله
کلید عشقیله ابواب غیبی باز الییم
.
قویون دئیوم ائله مدح جمال مولانی
که قرخ ایل علم اوخویان شخصی عشقباز ائلییم
.
قویون دئیوم که حسیندی( بکلِّ شیءٍ علیم)
هاچاناجان سخن حقدن احتراز ائلییم
.
قویون تیمّم ائدیم تربت حسینله تا
تیمم آدینی سلطان دستماز ائلییم
.
قویون دیینده حسین غشّ ائدیم ترابه دوشوم
ئوزومی روح الامینه همطراز ائلییم
.
گل اورگدیم سنه بیر درس معنوی «شاهی»
او درسیلن سنی عالمده بی نیاز ائلییم
.
درِ ملوکی رها ائت درِ حسینه ییخیل
که تا ابد سنی سالار و سرفراز ائلییم
.
دیینده بنده حسین سیز نماز شکر قیلون
وَاِن یکاد اوخیوم منده در فراز ائلییم
.
اونون مُحبّینه من ایلرم فدا گوزومی
گوزومه گوستر ایاقین که پیشواز ائلییم
.
حسینه نوکر اولان ماسوایه ناز ایلر
منیده نوکره نوکر یازون که ناز ائلییم
.
مگر بو گون که گدایم حسین زهرایه
اوتوز بِش ایلدی سخن پرورم او مولایه
.
حسین که من تانورام بدو هر بدایتدی
حسین که من تانورام ختم هر نهایتدی
.
حسین که من تانورام مو به مو لطافتدی
حسین که من تانورام سر به سر جراحتدی
.
حسین که من تانورام آیه آیه رحمتدی
حسین که من تانورام پرده پرده محنتدی
.
حسین که من تانورام روح معنویّتدی
حسین که من تانورام نایب نبوّتدی
.
حسین که من تانورام کشفدی کرامتدی
حسین که من تانورام عشقدی عنایتدی
.
حسین که من تانورام جبرئیل الیندن اؤپر
دییَر بو اللری اؤپمک شرفدی عزّتدی
.
حسین که من تانورام انبیا باخار یوزینه
دییر بو صورته باخماق بویوک عبادتدی
.
حسین که من تانورام وصفیلن بیان اولماز
که روحی وصف ائلمک امر بی عبارتدی
.
حسین بوغازینه قاتل جانین ائدردی فدا
بیلیدی گر او بوغاز بامداد جنّتدی
.
سَپَردی حرمله گوزدن حسین مسیرینه سو
اگر بیلیدی او شه ماسوایه منّتدی
.
حسین دیوب ئوزون ئولدورسه کیم قوی ئولدورسون
ئولوم دگول بو ئولوم سرمدی سعادتدی
.
سوروشسا عقل حسین کیمدی قل هوالواحد
سوروشسا علم حسین کیمدی؟ سویله حکمتدی
.
گوروب حسین دوداقین عرض ائدردی نهر فرات
آقا قیامته جن قسمتیم خجالتدی
.
حسین او سرّیدی که شرحی سیندیرار سدّی
آدین ائدنده بیان دستماز آلار جدّی
.
حسین که تانورام روح روح ریحاندی
حسین که من تانورام جان جاندا پنهاندی
.
.
حسین که من تانورام منبری قیزیل قاندی
حسین که من تانورام شهدی، لیک عریاندی
.
حسین که من تانورام وئرسه بیر توکین هر کیم
ایکی جهانه اگر بی شعور و ناداندی
.
حسین که من تانورام نوکر اولسا کیم او شهه
شهود و غیب و زمین و زمانه سلطاندی
.
حسین که من تانورام حلقینی اوپر گول لر
همان او حلق که اوچ گون سو گورمیوب یاندی
.
حسین جهنّم اودین ایلسه خموش ایلر
بو غیرممکن او شاهین الینده آساندی
.
حسیندی نسخۀ دوم وجود واحددن
حسینه عاشق اوّل خدای سبحاندی
.
نبی پیمبر دنیای حکم و طاعتدی
حسین پیمبر دنیای عشق و عرفاندی
.
حسینه کیم دئسه یزدان خطای شیریندی
حسینه کیم دئسه آدم خلاف وجداندی
.
حسینه باخما که مجلس قوروب چوخور یرده
اونون زیارتینه تشنه عرش رحماندی
.
فرشته لرده پری لرده جن و آدمده
گورونمینده، گورنده حسینه قرباندی
.
اگر چه مین نچه یوز ایل کئچور ولی زهرا
هنوز نوحه سرادی حسینه گریاندی
.
حسینی گوردی که قرآن سوکوبله سینه سینی
دئدی منم خط و کاغذ،بو سینه قرآندی
.
گلوب او قرآنی آلدی آرایه جنّ و پری
بلالی صحنه ده اما سپیلدی صفحه لری
.
قالوب نماز آتاسیز قوپدی بانگ یا الله
ئوز عرشین ایلدی بیر آیری کربلا الله
.
بویوردی روح الامینه گتور فرشته لری
که ایستیور اوجالا عرشدن نوا الله
.
بو یدّی مینجی سمانی ائدون حسینیّه
افق لرینده یازون صاحب عزا الله
.
قویون حسینیمون اول ئوزوم دوتوم یاسینی
دئسونله تعزیه بزمین ائدوب بنا الله
.
بو اوخ سوکن ئورگه قرض دارم ای جبریل
باخ ایندی گور نه ائدیر قرضینی ادا الهه
.
قیامتی بونا وئردیم بونوندی مُلک و مَلَک
اوگون نه فرقی حسین ائتسون امر یا الله
.
حسینی گورسه منه ارنی سویلمز موسی
که هیچ فاصله یوخ از حسین تا الله
.
ز رنج خنجر قاتل خبر نداشت حسین
که بود زیر همان تیغ نیز با الله
.
حجاب حکمتین آچما مواظب اول «شاهی»
قییت بلا چولینه سویله اَلصَّلا الله
.
او چولده آت قاباقیندا قاچان اوشاقلارنان
منی باغیشدا دئسم اولدی همصدا الله
.
قوؤاندا قمچی الینده چاغیردی اللهی
قاچاندا سویلدی اللر باشیندا یا الله
.
اوجالدی عرصه دن افغان ائشیتدی روم و حلب
عرب ائشیتمدی امّا داشا دونیدی عرب
.
او دشمنان نبوّت او ضدّ قرآنلار
او وحشی لر او تمدّن ندیده انسانلار
.
او پَستلر که محاسنلرین دارار ابلیس
او مَستلر که دوتوب گوزلرین قیزیل قانلار
.
او دیولر که کَسَردی ئوز اوغلونون بوغازین
یازوبدی سابقه سین راویان دورانلار
.
قرا دومان کیمی بیردن گتوردی حمله اولار
خیمده بیربیرین آلدی قوجاقه جیرانلار
.
نجه که مزرعه دن کاروان عبور ایلر
گل و گیاهی پوزار زیر پاده نادانلار
.
او نوع خیمه لر اوستن قشون عبور ائلدی
اوجور پوزولدی او اوچ دورد یاشیندا نالانلار
.
بش اون نفر قز اوشاقی بش اون ضعیف و یتیم
دالینجا یوزیوز امام ئولدورن مسلمانلار
.
پناه آپارماقا نه کوچه وار نه واردی دونوم
قاچار اویان بویانا بی هدف او حیرانلار
.
تیکان دالیندا ئوزین گیزلدر او بی کس لر
تاپیلسا خندق آتار اوزلرین او گریانلار
.
نجه حجابیده زهرا نهان ائدر ئوزینی
اولوب او نوع نفسلر نهان چیخوب جانلار
.
قالوبدی مقنعه مثلی قدملر آلتیندا
او سنّی آز غمی چوخ مضطرب هراسانلار
.
آچیق باشیلا قویوب خوردا اللرین گوزونه
تیکانلی چولده سپیلدی ایاقی عریانلار
.
عباسین آچدی پیمبر یر اوسته ایلدی فرش
دئدی سیلون ایاقوزدان قان ای پریشانلار
.
کسوب عمامه سینی اوخ سینیقلارین بوکدی
دئدی مباد سیزی قورخودا بو پیکانلار
.
همین بو چولده دی زهرا قیزیمدا ای قیزلار
ساچین یولوب یاروزی باغلار ای آدامسیزلار
.
#حسینیه_مدح
#غارت_خیام
#مگو_که_هستم_و_منت_بر_وجودم_من
#دئنن_حسین_ئوزوی_آت_یانار_اودا_شاهی
#شاهی_اردبیلی
#ترکی #فارسی #فارسی_ترکی
.
✍️ #زبدةالاشعار ✍️
?: @nohe_torki
نظر دهید