زهرا بویوروب عمروم اولوب سر اؤز ائویمده #فاطمیه_غمکش

حالات حضرت زهرا(س)
.
#زبدةالاشعار
.
: @nohe_torki
.
مرحوم غمکش
.
زهرا بویوروب عمروم اولوب سر اؤز ائویمده
الله گوروسن محسن آچوب پر اؤز ائویمده
.
امنیت زهرا خطره دوشدی الهی
امت ایلدى یثربی محشر اؤز ائویمده
.
محتاجیدور امنیته انسان اولا راحت
من نیله میشم بیر کسه آخر اؤز ائویمده
.
دنیاده بابامدان صورا بیر کس یوخوموزدی
ئولدی اودا مظلوم حقِ داور اؤز ائویمده
.
قلبیم آلیشور دهریده اما غم الیندن
آغلار قالا یارب منه بنذر اؤز ائویمده
.
افسوس زمانه بیزی آغلاتدی جهاندا
زندانی اولوب حضرت حیدر اؤز ائویمده
.
دوشدی خطره باغ فدک آغلادی زهرا
یوخ کیمسه ائده بو غمه باور اؤز ائویمده؟
.
غیر از حسنین یوخدی طرفداریم الهی
زینبده اولوبدی قره معجر اؤز ائویمده
.
اولسیدی عموم حمزه اقلاً منیم ایندی
سیلی منه وورمازدی شقی لر اؤز ائویمده
.
زهرایه یولى سدّ ائده بیلمزدی او ظالم
آغلاتمازیدی ثانی کافر اؤز ائویمده
.
ایام جهالت قایدوب یثربه بیرده
گوردوم اوجالوب گویلره آذر اؤز ائویمده
.
ثانی قاپی یاندیردی جسارتله بو یئرده
گلدی دادیما روح پیمبر اؤز ائویمده
.
تکیه ایلمک اؤز قاپیما جرمدی آیا؟
دوردوم دایانام یانمیا بو در اؤز ائویمده
.
شعله گئدوب افلاکه اودم من نئجه گوردوم
بیر من بلورم بیر در و پیکر اؤز ائویمده
.
امت ائوه حمله گتیروب دوتدی علینی
بو غملی عزا اولدی میسّر اؤز ائویمده
.
دینه گوره دیلّنمدی اغیاره عم اوغلوم
یاندی منیم احوالیمه حیدر اؤز ائویمده
.
حکم حق منّانی ائدوب دهریده اجرا
یاس دوتدی علی آغلادی یكسر اؤز ائویمده
.
دین ملکونی سینم قانی دوندردی جنانه
روحیم قوشی پرواز ائدوب آخر اؤز ائویمده
.
یاندی دل زینب منه باخدیقجا خدایا
زرد اولدی یوزی گل کیمی پرپر اؤز ائویمده
.
نوحین گمیسی غرق اولا أمت ئولر هامی
جان وئردی دعاسی قالا لنگر اؤز ائویمده
.
«غمکش» سنه مولا اؤزی امداد ائده بسدی
“آن باش که او خواست” چه بهتر اؤز ائویمده
.
1-در آخر شعر اشاره به مثل معروف شده است. لازم به توضیح است مثل معروف (آن باش که او خواست) کسی نمی داند در خانه چگونه زندگی می کنی.
.
.
#فاطمیه_غمکش
#فاطمیه_شهادت
#زهرا_بویوروب_عمروم_اولوب_سر_اؤز_ائویمده
#ترکی
.
#زبدةالاشعار
.
: @nohe_torki