در جلالت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
مرحوم عابد تبریزی
.
زهی بیان حدوثونده ملک ناطقه لال
خجل کرامت و جودونله نفس جود و کمال
.
فراز پایه قدرونله نُه سپهر فرود
فروغ مرتبتونله شعاع مهر زلال
.
ملک مرید سنه بالعَشِیِّ وَالابکار (1)
فلک مطیع سنه بالغدو والاصال (2)
.
وفا و مِهرَه مَثَل طاعت و حیاده سمر (3)
خلوصه اسوۀ کامل عبادته تمثال
.
تکیده ایستر اوزون رشکیدن مه کامل (4)
گورنده حلقۀ باب جلالتونده هلال
.
حریم عصمتیوه ناشناس پیک صبا
ریاض عفتیوه لنگ پا نسیم شمال
.
حفاظ چادر عصمتده منطوی اولموش(5)
هامی قلمرو عزت هامی جهان جلال
.
پیام عشق مریدان کوی عزتیوی
گلر حریموه عرضه ایده برید خیال
.
سرادقات جلال اهلینه جلالتدن
حریم کعبه کویوندی قبله آمال
.
نفوذ واهمه عاجزدی کُنهِ شوکتیوه
که یای عقله ویروب دست احتشام عقال
.
ایله کماله یتوردون ئوزون عبادتدن
که بو کماله داخی یوخ تصور اکمال
.
جهان حلول وجودونله منتهج نجه کیم
بهشت فکرت دیدارویله خرم حال
.
عُلُوّ رتبه ده تک خلق اولا سنون نورون
اراده ائتدی خداوند قادر متعال
.
نقدر اوج دوتا اعتلای عزتیوی
محال درک ایلیه فکرت نساء و رجال
.
جلال و شوکتیوی کیمسه درک ایده هیهات
بو خام خامه منِ خامی ایلوری اغفال
.
وگر نه من هارا زهرایه وصف یازما هارا
ننوع قطره ائدر دُرّی یَمدَن استحصال
.
تحمل ائتمور ئورک شدت ارادتدن
دیور، دئ قدرت فکرونجه وار نقدر مجال
.
ندور غبار که سقف سپهره اوج دوتا
ندور ذباب که ایستر اولا عقابه مثال(6)
.
ورای ذروۀ لاهوتیده سنون قدرون
حضیض خاک مذلتده من پریشانحال(7)
.
نه وصف ایدوم که سنون وصفیوه اولا لایق
مگر آچام در احسانیوه زبان سئوال
.
اوزون نگاه عطوفتله باخ بو گفتاره
وگر نه لال اولی وصفونده هر زبان مقال
.
نلر خیاله گله نسبتین سنه ویردوم
سزادی ایستیم اولسون زبان ناطقه لال
.
ورای هر سخن و هر کلامیدور عظمت
اودور سبب گورورم پای نطقیده اغلال(8)
.
فروغ عصمتی وصف ائتماقا نه قال و نه قیل
شعاع وحدتی شرح ائتماقا نه قیل و نه قال
.
تصوراتیمی نقش ایلورم بو اوراقه
تعالی عظمت نقشیمی ایدور ابطال
.
سنه سزا سوزه یوخ کلمه لرده استعداد
بو سوزدن ایلیه هر چند خلق استقبال
.
ولیک در خور قدرت دیه سوزون هرکس
سوزینده هر قدر آختارسا وُسع و استکمال
.
سن اول ستارۀ رخشنده برج عصمتده
که یوخدی پردۀ انواریده هُبوط و زوال
.
سنون سرشتیوی عصمتله حق ائدوبدی عجین
سنه محالیدی کیمسه اولا عدیل و همال
.
حجاب آینه سینه نصّ معتبر سنسن
بو نصّی نسخ ایده حاشا تغایر اقوال
.
حجابی ترک ائده نون یوخدی نسبتی سنیله
که کیمسه نور حقی اولماز ایلسون پامال
.
تمام فعلون اولوب منطبق شرایعیله
بو قول ثابته یوخدور لزوم استدلال
.
جوامع بشریده سن ائتموسن اثبات
که حقی نفی ایده ممکن دگل گروه ضلال
.
رضای حقدن اوتور هر جفایه صبر ایلدون
اگر چه یتدی سنه گونه گونه رنج و ملال
.
در جلالتیوه اود ووراندا اهل سقر(9)
ولو که سدره مکان طایر اولدی بی پر و بال
.
ولیک بارقۀ عصمته عَلَی التّفصیل
حجاب اولموب اولا بو شراره بِالاِجمال
.
چراغ وحدتی خاموش ایدنمیوب بو شرار
ظلام کثرتی بل پوزدی نور کل کمال
.
سنون شهامتیوی دشمنین شقاوتینی
مُبَرهَن ایلدی بیداد خصم کینه سگال
.
فدک حدیثی جنین سقطی شرح اولا هیهات
دگل بو یرده سزا طرح هر جواب و سؤال
.
بو قدر وار که فدک غصب اولوب گوروب آسیب
وجودون ای مُتَبَلور سنیله روح جلال
.
حدیث جعل اولونوب غصب اولا فدک ظلماً
دانوبلا آیۀ ارثی اولوبدی نقص انفال
.
دیلیمده یوخدی توان عرض ائدم بو معناده
نه نقش لر ایدوب ایفا عدو و ضرب دوال
.
سنون ولایته تمکینین اولدی عالمگیر
عدونی مفتضح ایلوبدی حُبِّ منصب و مال
.
ولیک اوندا دوتوب شعله نازنین قلبون
کنام شیره نفوذ ایلیوبدی فوج شغال(10)
.
نجه علی وئره بیعت الی ابوبکره
نجه درخشش الماس اولا محاط سفال
.
علی علی او که معنای عدل مطلقدی
علی علی او که عاجزدی جنگینه ابطال
.
علی علی که ارامل رفاه آلور اوندان(11)
علی علی که تیکوب گوز نوالینه اطفال
.
علی که حبل متین خلوص و ایماندی
چکیلدی بیعت ایچون مسجده به جبر حبال
.
عجبدی خاک سکون تاپدی چرخ ایتدی مدار
عجبدی اولمادی پاشیده استوار جبال
.
عجبدی چیره اولوب نورِ مطلقه ظلمت
عجبدی هادی دینه تاپوبدی ال دَجّال
.
اولوب بو مطلبی یازماقدا سینه چاک قلم
تاپوبدی خامه بو غم شرح اولاندا گونۀ آل
.
سپهر بزم عزا اولدی ماه شمع عزا
شفق سرشک جگر گون مجره صف نعال
.
علی صیانت دین اوسته صبر ایدوب ور نه
او علم مطلقه اولمازدی ظلم ایده جهّال
.
علی که تابعیدی حکمینه زمین و زمان
علی که خاضعیدی امرینه سهول و تلال
.
علی که بندۀ مملوک اونا یسار و یمین
علی که تابع فرمان اونا یمین و شمال
.
نجه اولاردی که بیر عدیه اولا مقهور
که پای نفسیده اولموشدولار چو خاک ممال
.
دوزوب او بحر وقاره او طور راسخ صبر
که دینه یتمیه هرگز گزند اضمحلال
.
وگر نه آگهیدی کاخ دینیده نه سزا
وجود تیرۀ بیر خشت پارۀ اطلال
.
بلی حقیقتی گورمز او گوز که عالمده
ایدوبدی خیره اونی برق جاه و مال و منال
.
بلی حقایقی درک ایلمزاو دل که اولا
اسیر سلطنت و تخت و رخت و خان و رجال
.
بلی علینی چکر بیعته او کیمسنه کیم
هوای نفس دنی ایلیوب اونی اضلال
.
سن ای سلالۀ رحمت سن ای چکیدۀ جود
سن ای عصارۀ فیض و خلاصۀ آمال
.
سن ای پیمبره ریحانه مرتضی کفوی
سن ای حدیقۀ توحیدیده خجسته نهال
.
سن ای امید هامی عاصیان روز جزا
سن ای زلال عطایه حیاتی مالامال
.
عنایت ائت من درمانده و من مسکین
که اولموشام گنهیله اسیر استیصال
.
اولوم کرامت و احسانیوه سنون مشمول
حریم رحمت و اکرامیوه ائدوم اقبال
.
منادی کرم و رحمتون دئسون «عابد»
طواف کوی بتول ائتماقا تعال تعال
.
بو آرزو محقق اولا گیجه گوندوز
اجلدن ایلرم اشک بصرله استمهال
.
او پاک تربته گر ممکن اولسا جان نقدین
برید باد صبائیله ایلرم ارسال
.
گوزوم پیاله سینی حسرت زیارتدن
لبالب ایلوری هر صبح و شام اشک زلال
.
(1)قالَ رَبِّ اجْعَلْ لی آیةً قالَ آیتُکَ أَلاَّ تُکَلِّمَ النَّاسَ ثَلاثَةَ أَیامٍ إِلاَّ رَمْزاً وَ اذْکُرْ رَبَّکَ کَثیراً وَ سَبِّحْ بِالْعَشِی وَ الْإِبْکارِ(آل عمران آیه 41)
( زکریا ) عرض کرد: «پروردگارا! نشانه ای برای من قرار ده!» گفت: «نشانه تو آن است که سه روز ، جز به اشاره و رمز ، با مردم سخن نخواهی گفت. ( و زبان تو ، بدون هیچ علّت ظاهری ، برای گفتگو با مردم از کار می افتد. ) پروردگار خود را ( به شکرانه این نعمت بزرگ ، ) بسیار یاد کن! و به هنگام صبح و شام ، او را تسبیح بگو!
.
(2) فی بُیوتٍ أَذِنَ اللَّهُ أَنْ تُرْفَعَ وَ یذْکَرَ فیهَا اسْمُهُ یسَبِّحُ لَهُ فیها بِالْغُدُوِّ وَ الْآصالِ (نور آیه 36)
( این چراغ پرفروغ ) در خانه هایی قرار دارد که خداوند اذن فرموده دیوارهای آن را بالا برند ( تا از دستبرد شیاطین و هوسبازان در امان باشد ) خانه هایی که نام خدا در آنها برده می شود ، و صبح و شام در آنها تسبیح او می گویند …
(3)سمر = افسانه،مشهور،معروف
(4)تکیده= لاغر؛ باریک؛ ضعیف.
(5)منطوی= درهمپیچیده
(6)ذباب= پشه
(7)حضیض= پستی،فرود،جای پست در زمین یا پایین کوه
(8)اغلال= طوقهای آهنی
(9)سقر= جهنم؛ دوزخ
(10)کنام=بیشه،جایگاه شیر
(11)ارامل= زنان فقیر بیشوهر
.
#زهی_بیان_حدوثونده_ملک_ناطقه_لال
.
✍️ #زبدةالاشعار ✍️
.
🆔: @nohe_torki
نظر دهید