بمناسبت شهادت سردار بزرگ اسلام سپهبد حاج قاسم سلیمانی
.
.
علی شهودی
.
.
سویلر وطن اونوتمارام ای قهرمان سنی
یاددان چیخاتماییبدی چیخاتماز زامان سنی
.
سن مندن اوتری قان گئیمین گئیدین اگنیوه
منده گرک عزیزلییم ای مهربان سنی
.
کیمدیر سوروشسالار بو ائلین شانی شوکتی
بوندان سورا ویره رلر امینم نشان سنی
.
سن ائیلدین منیم باشیمی دهرده اوجا
ائتسین گوروم کی باش اوجا رب جهان سنی
.
سن ائیلدین وجودوی صرف رفاه خلق
ایستیر اودور اورگدن پیرو جوان سنی
.
رستمده پوریاده سنه سویلر آفرین
آلقیشلایار بو اولکه ده هر پهلوان سنی
.
تاریخ داغیندا آغلایار آرش یانیق یانیق
گوزلر گونش باتاندا الینده کمان سنی
.
اهل عراق و اهل فلسطین و اهل شام
ایران کیمی بیلر اوزونه قهرمان سنی
.
داغلار سنین اونونده چوکرلر دیزه بوتون
تحسین ائدرله عرشده کروبیان سنی
.
سن جنتین گولوندن آلینمیش عطیر ،وئره ر
گویده ملاکه بیربیرینه ارمغان سنی
.
یئر ایسته یر کی باغرینا باسسین سنی ولی
بیردن قاپیب قوجاقه آلار آسمان سنی
.
سن سیغماسان زمانه کی سن جاودانه سن
سن سیغماسان مکانه کی دوتماز مکان سنی
.
#علی_شهودی #ترکی #زبدةالاشعار #قاسم_سلیمانی #انتقام_سخت
نظر دهید